State senior citizensbingna Indo-Myanmar border fencing wui otli mapen thura NNN IMPHAL, AUG 25 Aru-rui Indo-Myanmar border li fencing wui ot sada khalei hina Manipur wui villages kachungkha Myanmar shong kazang ngasak kahai chili Manipur wui senior citizens bingna malung kharing phongshok haira. Aja paome bingli Senior Citizens for Seciety (SCS) wui member Khaidem Mani na hiwui vang malung kharing phong kashok eina ngasoda, “border wui fencing ot sada khalei hili shorkar wui khi political agenda lei haokhala?” da khangahan hi chitheimiya. Khaidem Mani na bhap makata phongshokluiya chia, sada khalei border fencing wui ot hi Parliament na mayami kahai thili singkakaphokla? Senior citizen hina hanga, border fencing ot hi kupkasang atamli Manipur wui village3s mashing kachungkha Myanmar wui side shong vazangser haira sara. Border fencing sada khalei hina 2009 kumli Act akha ngasa kahai United Nations’s indigenous rights, 2007 lila violate sahaira, da Khaidem Mani na hanga. Concerned authority li mathada khangasan maleilakla border fencing wui ot saphok kahai hiya mamaya ngaimana, da SCS na hangluiya. P h a n i n g u n g paiya chia August wui hapta khareli Ministry of Home Affairs, Govt. of India na mikashok statement akhali hithada hangkahaina chia Indo- Myanmar border li boundary pillars eina ngasoda international boundary hi matharsangrang lakha kachikatha village maningakha lam/ngalei akha shiman haora kachi mahang kapaina. Chiwuivang eina hithada tharkhamina chia aru-rui fencing otsada khalei hi 10 kms manga kala ngalei khani hiwui national survey authorities langmeida state hiwui survey officers kala staff bingna joint inspection akha khuikalaga boundary pillars bingchi matharsangrang lakha eina tangda fencing wui ot masavafa mara. Manipur wui ngalei Myanmar shong zangkahai wui pongli MHA na mikahai statement chili makhamaya wuivang UCM, Manipur na August 11 thang phongshok kahaina chia Manipur wui Chandel District li khalei villages kachungkha border fencing hina Myanmar wui side shong zangngasak haira. UCM president Y. Nabachandra na tharmi kahaina chia, thuikahai August 8 thang first hand report khuikhavai wuivang UCM wui 13- member team akha eina journalists bingna Moreh- Tamu wui border area li vayang kahaina kala chili Manipur wui villages kachungkha border fencing wui ot hina Myanmar shong ngakaisang kahai kathei samphanga. Nabachandra na phongkashok athishurda, Ministry of Home Affairs (MHA) na hanga chia, Myanmar eina dispute khalei wuivang eina border pillar No. 79 li fencing wui ot khikha masaphoklak mana kha Gobijang wui eina Jangnoi Village eina tangda fencing ot haophok kahaina kala Gobijang wui shimlak tharada akha (11) Myanmar ngaleili zanghaira. “Awo-Ayi na haimihai kasa Manipur wui lam/ ngalei 150 metres shakha border fencing nguida kasa hina Myanmar wui pangli shiman haora”, da Nabachandra na hanga. Chitharan, shorkarna border wui tuishot hili thaklak eina mikyan zangmi khavai ngakao kahaina.
Posted on: Mon, 26 Aug 2013 17:16:43 +0000
Trending Topics
Recently Viewed Topics
© 2015