Sunday Special KROSS AH I KIR LEH ANG U. (LEAD ME TO THE CROSS) Sap naupang pakhat hi a nu nen Shopping Mall lian tak maiah an bazaar a. Chu naupangte chu a nu in a kai a. Nakin deuh ah chuan a duh zawng tak mai a hmuhfuh a vang chuan naupang chu a nu kut atang chuan a tal chhuak a, tichuan a nu nen chuan an in bo ta a. A nu chuan nakinah a lo haw ve mai ang ti in a haw san ta a. Nakinah chuan naupangte a nu hmuzo lo chu a mangang tak mai chuan kawngpui sirah a thu a , a tap a tap ta mai a. Nakinah chuan tlangval pakhat hi a lo kal a. “Bawihte engah nge I tah? Khawiahnge I nute an awm ? I nute I hmu zo lo em ni?” a ti a. Naupangte chuan a chhang lawk lova..nakin deuh ah chuan, “lead me to the cross”( Kross bulah min hruai rawh) a ti ta reuh a. Chu tlangval chuan a hrethiam lo hle a..Engnge a awm zia..ka van hrethiam lo ve a ti a..Naupangte chuan “take me to the Cross “( Kross bulah min hruia rawh) a ti leh thin a..Tichuan tlangval chuan naupangte chu a kai a kross chu a zawn pui ta a. Chuti kross zawnga khawlai ah an vah an vah lai chuan nakinah chuan naupangte chuan “saw lai saw kross ka hmu kross bulah sawn min hruia rawh “ a ti a.Kross bul an va thlen chuan a ni, naupangte nu leh pa te chuan Kross bulah chuan an fapa chu an lo nghak reng tawh chu ni in..tichuan hlim takin a nu leh pa te chuan an lo pawm a , a mitui te an hruk saka, inchhungah chuan an luh pui ta a ni..He naupangte hi pastor fapa a ni a. An in hi biakin hnungah chiah a aawm a. Biakin chip ah Kross lianpui mai hi an tar a..A nu te chuan “Bawihte engtin emaw khawpui ah I lo bo palh a nih pawh in Kross bulah min hruai rawh u ti la, kross bul I lo thlen chuan kan in hmu zel dawn a lawm” ti in an lo hrilh thin a lo ni a. A nu pawhin a hawnsan ngamna chhan kha nakinah kross bulah a lo kal ang a , an in hmu leh mai a lo rin vang a lo ni. Unau duh tak , he khawvel sualna tuifinriat zau ah hian nitin thlemna leh sualna ten min chim vela,tunlaia kan Zorom boruak te kan thlir phei chuan a rapthlakin min ti thlabar hle hlawm anih hi. Hmeichhe tenkhat phei chu mahni chauhin inah pawh an awm ngam lova. Zanah phei chuan Aizawl khawpui hi hlauin a khur ani kan ti thei awm e.Hetiang ang reng renga sualna rapthlak leh inthahna rapthlak hi Zoram hian ala hmelhriat ngai lo. Kan ram Christian ram a inchhal pawh sualna tui fawn leh thlipui rapthlak tak hian min nuai vel mek a ni. Mitin te min khawih a min ti thlabar a himna leh thlamuanna mamawhin kan au mek anih hi. Heng thil zawng zawng hi eng vang? Engnge hetiang thil rapthlak tak te hi kan ramah a lo thlen tak mai? Pathian thuin kan rama ramhuiaa te a hnawtbo kan ti a. Tunah hian hmana kan duh tawh loh ramhuai te kha an lo kir leh ani mai lo maw? Kan sakhuana hian kan ram a ti dam zo tawh lo ani ber lo maw? Kan chief minister leh minister dang zawng zawng pawh Christian a in chhhal vek an ni a. Pastor leh missionary engemaw zat kan nei a. Mahse khawnge Pathian mi taktak thlarua mi , kan ram sualna leh chhiatna lak atanga min vengtu tur te chu khawnge an awm zawh tak? Kan inchhung khurah kan sakhuana hian kan fate kan thalai te nunah hian thu a sawi ta lo. Kan hnma nuapan zia ngaihtuah in tun ang zeal kan kal chhoh chuan rei lo te ah Zoram hi kaihthoh theih tawh loh khawpin a la tlu chhe dawn ani. Hawh u Pathian hnenah I kir leh ang u. Kross ah I kri leh ang u. Ram dangah pawh thleng se a van rapthlak em em ve kan tih tur khawpa thil rapthlak a nia. BBC te CNN te pawhin hriase an headline a an hman duh tur chanchin rapthlak tak mai kan ram Christian ram ngei ah a han thleng ta mai hi zaka kun ngawh ngawih tur kan ni. Chuvangin hawh u kan sual te simin Lalpa hnen I hawi ang u. A rampum ang pawhin kan sual te kan puan a ngai. Khawnge thlaruami te kha an awm zawh tak? Khawnge tawngtai mi te kha an awm zawh tak? Hetih hunah hian ani dawn lom ni mipui te Pathian maicham hma a kan hruai hun tur chu? Kawngte zawhin sualpuangin “Lapa Kross bulah min hruai leh rawh” tiin kan au hun tur chu?. Kan politician te hian kan ram natna hi an ti dam taktak dawn lo. Kan zirsanna te, kan sum leh pai te hian min chhan tak tak dawn lo. Kan himna leh kan damna awm chhun chu Kalvary Kross hi ani. He khawvel sualna tuifinriat so bulh bulh karah hian kan himna awm chhun chu Kross chiah hi ani. Kross bel tlattu leh vuan tlattu te chauh an him ang. Chuvangin a lian a te in kross bulah min hruai leh rawh tiin Pathian I au ang u.
Posted on: Sun, 11 Jan 2015 02:05:42 +0000
Trending Topics
Recently Viewed Topics
© 2015