Sylfried Coromoto Pieters, un pekador enbuska di Cristu Hesus inspira pa spiritu santu, mi ta skirbi e karta aki, basa riba mi konosementu di Dios e tata konsibi di spiritu santu, pa tur krejente i obediente risibi su miserikordia inmeresi, pe sanger drama di Cristu Hesus su uniko ju, ku a bini na mundu, pa fungi awe mas ku nunka pa fortifikashon di esnan debilita, ku ta sufri pa medio di nan fe i obranan den Dios Jehova. Apesar di nunka a mire, alabe i adore, grandi lo ta boso rekompensa di santifike sin nunka a mire, pasombra esnan ku a mire mes a duda den dje i traishone, dichoso ta tur esanan ku kere sin mira. Apesar di nunka a mira Cristu Hesus, fortifika boso spiritu i boso alma biba den legria laga amor brota den boso alma kada dia den boso bida, mas liher ku boso ta pensa, e dia lo jega, pa medio di boso fe lo boso risibi e bida eterna. Korda ku boso ta avisa di mira e senjanan riba mundu den tempu ku gobernashon lo ta pone den man di satanas te dia ku mi regresa pa boso ku a kere i sufri pa mi motibu keda reskata. Tur kuminda boso por kome, pero warda boso lenga nos ta den e tempu ku lenga ta bo kondena, no papia malu di niun hende, pa esnan ku skucha no kambia bo palabra, korda ku e enemigu ta biba bou di mes un dak ku boso. Si esnan ka mira i presensia, su fe tabata mas chiki ku kabes di feneta, boso ku ta kere sin nunka mira, unikamente pa medio di obranan boso fe lo keda fortifika. No duna pa hanja bek, no konta niun hende di boso obranan, laga tur keda den skuridat, pa boso dios den shelu rekompensa boso obranan, den su lus di klaridat, no lubida nunka ku e mes hendenan ku a halsa mi a grita krusifika mi. Pesey no keda sorprendi ora hende paga boso ku malu pa bondat. Karga speransa semper, riba dios su miserikordia, korda ku un bon nomber ta bal mas ku e perfume di mas dushi, no perde boso dignidat pa materialnan temporal riba mundu, no desea di ta otro hende pa su posishon material. Sea konforme pasombra apesar ku mi ta tarda pa skucha, nunka lo mi bandona boso. Biba prepara i korda semper riba e dia stipula pe kurpa muri pa bo alma regresa den sjeool, kaminda tur ku muri lo biba warda riba e dia di nan huisio,no laga niun hende ganja boso ku despues di morto ta bai shelu ni den fiernu. No tene man ku esnan ku tin goso den derota di nan prohimo, no laga nan forma parti di boso amistad, apesar di tur esey mi ta bolbe ripiti boso, prome boso resa e orashon ku mi a sinja boso, sera pas ku boso enmigunan, no prekupa ku boso keda rechasa, bira chikitu den bista di bo tata den shelu, pe halsa boso riba tur ku ta odia boso. Mi sa ku boso lo no kere e palabranan skirbi pa un simpel pekador, pero atraves di anjanan hende lo biba realisa ku den e siglo aki mi a hasi uso di unu ku realmente a arepenti di su pikanan di den su hubentud i ku lo sigi krese kada den den spiritu santu, pa mi por avisa boso ku e dianan ta serka. Si mi a presenta den forma di un famoso mes ora boso lo a kere mi, konsiente mi a skohe unu ku hopi tiki lo kere ku pa medio di su mal reputashon di den pasado hamas lo mi por manifesta, biba korda semper ku mi palabra te remedi, mi a bini pa e malu, es ku ta bon no mester di dokter.
Posted on: Wed, 11 Sep 2013 14:04:06 +0000
Trending Topics
Recently Viewed Topics
© 2015