TALK TO POTPOT - July 20, 2013 PROBLEM #1 Dear TTPP, Just call me Alwin. 31 yrs old from Guimaras. Isa ako ka soldado nga naka assign diri sa probinsiya. 7 years na ako on active duty kag naga plano na ako nga mag retiro. Una tungod kay gusto ko na nga hatagan oras ang akon pamilya, ikaduha, makapoy man ang mangin soldado kag Plano ko na Lang magpatindog sg negosyo tutal may sinuptan naman ako. kag plano ko naman nga pakasalan ang akon nga nobya. Ang akon nobya, tawgon na lang naton nga si Ada. Isa siya ka nurse dira sa Iloilo. Apat na kami ka tuig nga nobyohanay. nagkilahay kami sang last 2008 kay boardmate ini siya sng una sang manghod ko. Natabuan man nga bakasyon ko ato kag naglagaw ako sa boarding house sang manghod ko dira sa city. Sang wala pa kmi nagkilalahay, dw nahuya pa ko magpangilala sa iya tungod kay ka hipuson kag dw ka sopistikada gd sa iya. indi man ko gusto nga magpabulig sa manghod ko sadto kay sunluganon man nga daan katama ang manghod ko. Bal-an nyo bala kun ano ang nangin paagi para mapangilala ko siya? Ang inyo nga programa. Nagapamati gd siya abi sadto sa sala kag samtang nagapulu-pasiplat ako sa iya, nanutaran ko nga wala patay iya kadlaw. Didto na kag namangkot ako sa iya kun ano ang ginapamatian niya. Nanugid man siya sa akon kag nagpamati man ako tutal chansa ko na para maistorya siya. nagpangilala na ako dayun sa iya pero mga duwa pa ka adlaw nga pangulit ang ginhimo ko antis ko nakuha ang number niya. tungod kay nagbalik na ako sa ubra, sa cellphone na lang ako nangaluyag sa iya. hambal niya pa gani sa akon, may pagasa man kuno ako pero indi siya gusto nga magcommit sa akon nga wala kami makaistoryahanay sa personal. Igo niya ako ginsabat, sobra isa na ka tuig ako nga nagapangaluyag sa iya. Asta gani subong, Anom ka beses pa lang kmi nakakitaay halin sang ginsabat niya ako. Wala siya kabalo nga sa sunod ko nga pagpuli, hagadon ko na siya nga mapakasal. Sa tuod lang, wala man kami sang problema sa amon relasyon magluwas abi sa mga gagmay nga disagreement. Amu lang sina abi, indi ako romantiko nga klase sang lalake pero palangga ko gd ang nobya ko. Sugod lang sang nangin kami, nadulaan na ako sng gana sa iban nga babaye. Ang akon lang gid luyag nga pangayuan sang advice, especially sa mga tagpalamati ninyo nga babaye, kun ano ayhan ang da best nga paagi para sa akon nga pagpropose kay Ada. Isa siya abi ka espesyal nga babaye. Pinasahi sa iban nga nakilala ko. Kada gani magkitaay kami, pamatyag ko daw hari ako kay special gd ang trato niya sa akon. Ginalutuan niya ako kag asta sang nakaupod siya sa amon balay, ginaasikaso niya gd ako. Amu man sang nagkadto ako sa ila. Amu sina nga gusto ko gd nga mag effort bisan sa proposal ko pa lang. Indi ako makuntento nga indi ini mangin special. madamo gd nga salamat sa inyo nga programa. tani mabasa ninyo ini dayun.
Posted on: Sat, 20 Jul 2013 04:02:44 +0000
Trending Topics
Recently Viewed Topics
© 2015