THAWNTHU TAWI. Thingtlang khaw pakhatah hian nupa rethei tak Jack-a leh Judy-i te hi an awm a,mak tak maiin chu khua chuan chindan danglam tak an nei a,nupa tuak tin te chu an inneih champha a piangin thilpek an in pe thin a.Jack-a te nupa chuan thilpek in pek leina tur an nei lo va,Judy-i chuan a pasal sana chain chhe thlakna tur leisak a duh a.A man a tan a sam sei tak chu tan bul vekin,sam lem zuar tu hnenah a hralh a. An inneih champha ah chuan Judy-i chuan a sam sei nalh tak a tan tiha pasalin a hriat loh nan lukhum khum chungin,a thilpek fun chu Jack-a chu a pe ta a,Jack-a chuan a han hawng a,a phu zawk mai a.Chumi zawhah Jack-a chuan thilpek fun chu Judy-i chu a han pe ve thung a.Jack-a ai mahin Judy-i chu a phu nasazawk a. Jack-a chuan a nupui sam sei nalh tak khuihna tur hair brush leisak a duh a,a leina a neih loh vangin a sana hralhin hair brush a leisak a lo ni a.An thil inpek chu tangkaina nei tawh lo ve ve ni tawh mahse,an in hmangaihzia lantirtu a lo ni ta zawk a ni. I THILPEK AIIN I PEKNA RILRU KHA A PAWIMAWH ZAWK.
Posted on: Wed, 17 Sep 2014 11:59:50 +0000