THE COUNCIL OF NICEA I (325AD, May 20-June 19) ROME LALRAM 305 AD ah Emperor Diocletian-a retire hnu ah Constantius Chlorus-a (Constantine-a pa) chu Roman empire west lamah emperor niin 306 AD ah indona a thih in, Constantine-a a fapa chu sipai chakna in emperor nihna pek a ni. Hei hi maxentus-a rome awp mek tu leh East lama emperor Galerius-a te chuan a do nghala. maxentius-a hi pagan mi, dawithiam te khawm a rawn thin leh mi nunrawng em em mai a ni. 312 AD ah Constantine-a chuan Mexantius chu run turin a chhuak ta rup mai a ni. Hemi tum hian vision/ mumang aneiha Cross a hmu kan tih thin kha a ni. “Battle of the Milvian Bridge” indona hming thang takah khan a hneh ta a ni. Constantine-a chu Roman West lamah Emperor a ni ta. East lam ve thung hi Emperor pahnih an la awm. Licinius leh Maximinus II Daia . Licinius-an 313 AD ah Maximinus hi hnehin East lamah rorel tu a ni ta bawk a ni. WEST LEH EAST (313 AD Edict of Toleration/ Milan) Rome Emperors te hnuaiah Christian ten persecution ( tihduh dahna) an tuar nasa em em a. Heti chung hian Christianna leh kohhran chu a thang ve zel a. Constantine-a alo din chhuah atanga 313 AD ah chuan Edict of Milan, religious policy chu an siam ta a ni. Constantine-a leh Lucinius-a te chu Milan ah in hmu in “Edict of Toleration” tih dan thar chu siam a ni ta. Sakhaw hrang hrangten an duh ang takin an rinna and pathian an be thei ang tih a ni. sakhaw diklo leh mipui ti buai thei magic lam te erawh Constantine a hian a duh viau lo niin a lang. Eng eng emaw, poitics avangin anni pahnih hi an in hmu thiam lo tan chho leh a, laber nih kha an tum ve ve a ni. Lucinius-a hian east lam bishop te west nena in hmuh te rem ti lovin, Christian te pawh a nek chep leh tana persecution a awm leh ta a ni. 316AD an in do leh a, hneh tu awm lo in an tin a. 324 AD ah in do leh in Constantine-an hnehna pumhlum a chang ta a ni. Roman world ah chuan Lalber a ni ta a ni. Constantine a hian Christian te a duhsak hle a, Kohhran te pawh ram neih theihna te, chhiah lakah te a awl bawk a, duh ang taka service an neih kha a phal sak a ni. Mahse hriat ve atana tha chu Constantine-a hian Christiante chauh duhsak ta se a ram rorelna in tuar dawn, chuvang chuan hetih hun lai a, sakhaw dang paganism thengin rem taka enkawl kha a duh tur leh tih tur chu a ni awm e. Ti chuan Christian chhungkua ah in remlohna hrang hrang alo awm ve a. Kohhran hrang hrangte East leh West te in remlohna te chu siam that vat vat a, a hma a Rome lal ram ralmuang tak kha din a tum leh a ni. Christian kohhran a lian tawh bawk si an pung tual tuala Rome in relbawlna ti buai thei mihring-population an awm tlat tawh a ni. Kohhran te an in do vaih chuan a buai thlak thei ve tlat bawk a ni. Tichuan in rem lohna chu siam fel vat tumin Christian Kohhran hrang hrang khawmpui lian Nicene khawmpui ( Council of Nicea) hi a lo awm ta a ni. THE ECUMENICAL COUNCIL OF NICAEA (325 AD) HISTORY: Rome lalram East and West ah hian Theological school pawimawh tak tak pahnih an awm a. Rome history tlem kan tarlan tak na chhan pawh khi east and west-a kohhran hrang awm hi a ni. east lam hi Greek tawng hmang anni a West lamah erawh Latin tawng an kohhran Liturgy ( biakin-a pathian biakna thuziak te) hmang anni ve thung. Greek-east ( kohhran Eastern empire) ah hian theological college Antioch ah a awm a “school of Antioch” tih a ni, Greek culture ngaihsanna leh hmunpui a ni. West lamah Alexandria Egypt lawngchawlh hmun pawimawh tak khawpui mawi leh lian takah, “School of Alexandria or Alexandrian school” tih chu a awm bawk a ni. ANTIOCH SCHOOL: ( east) hi Greek philosophy dah pawimawhna hmun a nih vang nge, Bible an zir danah mihring ngaihtuahna fim tak te, a history chhui a, a awmizia zawn chhuah te chu an tihdan a ni. Antioch school-a zirtirtu Lucian-a hian isuan divinity a ringlo a mihrig ve mai a ni tiin. Paula of Samosata ( Antioch a Bishop) chu a hmin viau a ni pawh hian trinity-a Jesus divinity hi a ring lo a ni. Lucian a chuan a zirlai Arius-a priest ni bawk ( hei hi a bul chu ni) a hnenah chuan chung ngaihdan chu nghet takin a tuh ta a. Arius a hi preacher thiam leh leadership nei tha em em a ni bawk nen chung ngaihtuana thar te chu a kalna piangah sawiin mi a hneh zel mai ta si a ni. ALEXANDRIA SCHOOL: Aexandria school ve thungah chuan Jewish mi tam taka wm na, Greek philosophy leh Jewish culture-te in chawhpawlhna a ni. (Jewish Egyptian ho ngaih pawimawhna vanga Old testament Greek tawnga an dah Septuagint Bible lo chhuahna hmun kha a ni.) Antioch school te anglo deuhin philosophy ah tui tho mahse Mystical approach ( pathian thlarau nena Bible zirna) ang chi chu an ngai pawimawh em em a ni. Bible history te chhui a awmzia hriat ai mah chuan a thlarau ken lam te chu an ngaipawimawh zawk thung a ni. Origen-a te hruaina huaiah chuan kohhran in alo zirtir tawh eg’ Isua divinity te chu rawn defend an tum dawn a ni. ARIUS (ANTIOCH, EASTERN ORTHODOX) : sawi tak ang khan Arius a chu mi tawng hmangthiam, mi hneh thei anih avangin mi tam tak a hmin zel mai si a. Isua chung chang a sawi mihring a ni thilsiam a ni a, pathian a ni lo, tih chuan mi a hneh zel mai a ni. ( Hei hi Trinity post ah khan chiang zawkin sawi tawh a nia i en let dawn nia) A zitirna hi Bishop of Aexandria (west) chuan 318 AD khan a zir chiang ta a, a zirtirna chu Apostle (Paula ho te) thu zirtir nen a in ang lo hle tih a hmuh chuan Arius-a chu Bishop council neiin, koh a, a zirtir na chu fiah taka sawi turin an sawm a( Bishop 100 an kal) , mahse Arius-a hi a kal duh ta lo a ni. Hei hi AD 319-320 vel kha a ni. Heng bakah hian bishop council hrang hrang Bethani leh Palestine ah te Bishop council hi koh a ni a. Arius-a chu excommunicated ( hnawl) a ni a, Eusebius, Bishop of Nicomedia hnen lama a kal ta a, a ni lo support-na hian a rin dan chu defend tumin tan ala leh ta sauh sauh a ni. Ti chuan Doctrine avang in lehkha an in thawn ta chiam chiam mai, Alexandria leh Arius tan lam ve ve chu an indo a ni ber ta mai. Tichuan heng buaina ching fel tur hian Constantine-a chuan Ecumenical khawmpui Council of Nicea chu a ko ta rup mai a ni. Hemi hma hian Constantine-a hian Arius leh Alexander-a te hnenah lehkha thawnin an buaina chu ti tawp tura a duh thu a sawi a ni. Hemi atan hian Bishop 59 te Antioch-ah ( 324 AD) ah council Constantine-a hian a ko hmasa bawka, mahse Arius leh Alexander hi an kal duh lo ve ve a ni. Council of Nicea hi 325 AD ah Constantine hian Bishop zawng zawng East and West a mi te koh khawmna thuremna chu nei turin council chu a ko ta a ni. Western lam bishop hi Nicea ( East) lamah an zin duh loh vang nge an tlem deuh a, Bishop hi 250 vel kal khawm niin record a ni, a tam zawk chu East lam anni. THUTLUKNA LEH AGENDA DANGTE 1) Council tan a nih chuan thutna pawh in ep at zawngin an rema, Arius-a tan tu Bishop 15 rual vel, Eusebius leh Nicomedia te zawm tu an awm bawka, Groupah an in thena group thenkhat erawh chuan a bul atangin enge a awmzia tak hriat an duh a ni. 2) Bishop conference a nih avangin Aruis a hi Priest mai a ni a tel ve thei lo, mahse hun pek a ni ta a, a ngaihdan te, Isua Pathian thilsiam a nihdan pathian a nih loh dan te tlang taka a sawi hnu chuan amah tan tu te pawn an hnawl leh ta ani. Bishop pahnih tih loh chuan a dang zawngin Arius-a condemn-na ah hming an sign a ni. Tichuan Nicean creed hi an ziak chhuak ta a ni. Isua pathianna chu pawm a ni ( Hei hi Trinity post ah kha (Homoosios) tih velah khan kan ziah lan tawh kha en let leh mai ni se) 3) Council thurel pawimawh dang leh ah chuan Persecution laia christinaity phatsan a, tuna kan ral muan hnu a rawn luh tum leh si (Lapses) ho hi kohhran in a pawm a ngem tih te a ni. Kohhran dan an siam sawmhnih zet mai te a awm bawk. council hi thla khat vel zet zawt chu annei a ni. Awle duh tawk ang aw. council tak tak hi tum dangah kan ziak dawn nia
Posted on: Sun, 26 Oct 2014 08:32:00 +0000