THE MCROCODE IN DIVINE LANGUAGE AND THE REVELATON OF THE TRNITY IN THE TANAKH Isaia 48:12-16 Aw, Jakob ho leh ka koh Israelte-hote u, ka thu ngaithla rawh u: kei hi amah chu ka ni; a hmasa ber chu ka ni a, a hnuhnung ber pawh ka ni. A ni, ka kut hian leilung nghahchhan chu ka phum a, ka kut ding lam hian vante khi ka kaipharh a: ka koh veleh an ding ho thin...16 Nangni ho hian mi rawn hnaih ula, hei hi ngaithla rawh u; atir atang khan a rukin thu ka sawi ngai lo va; a awm tirh atang khan chutah chuan ka awm: tunah hian LALPA Pathian chuan keimah leh a Thlarau chu min tir ta a. Aw le, Bible passage kan tarlanah khan Israel-hote Pathian chuan a hmasa ber leh a hnuhnung ber a nih thu a puang a, Hmasa ber leh hnuhnung ber chuan LALPA Pathian chuan keimah (Israelte Pathian) leh a Thlarau (Ruach) chu min tir tiin a puang chhuak bawk a ni. Heta thusawitu The Creator-a hian YHWH leh Ruach-in an tirh thu a sawi a nih chu. The Angel of the LORD - He Vantirhkoh lal mak dangdai zet hi Bible-a kan hmuh dan chuan amah Pathian ang chiaha treat a ni. Pathian thuneihna leh thiltihtheihna te chu ama nihna angin a chelek a, chibaibukna pawh a dawng thin. Gen.16:7-13 ah kan hmu hmasa ber a, chutah chuan chiang takin Pathian tia sawi a ni. Thlalerah Hagari nen an inbiak tumin Hagari chuan The God tiin a ko hial bawk. El-Roi tiin a hmingah a vuahsak a, chu chu The God Who sees tihna a ni (Gen.16:13). A hnuah Mamre Sasaw kiangah Abrahama hnenah a inlar leh a (Gen.18:1-ff), chumi tum chuan Thutiam Chithlah tinghet turin a lo kal a, chumi hnuah chuan Abrahama hnenah Isaaka a hlan dawn laiin tawpsan turin a rawn ti a (Gen.22:11). Tin, a bik taka pawimawh leh danglam em em chu Mosia hnenah thingbuka rawn inlar kha The Angel of The LORD ngeia kha a ni leh ta a, Abrahama Pathian, Isaaka Pathian, Jakoba Pathian a nih thu a rawn inpuang a ni. The Confession of Eve - Torah lehkhabua hrilhlawkna kan hmuh hmasak ber chu Evi bumtu rul (nachash) rawn la hnehtu tur Hmeichhe thlah lo la chhuak tur thu chu a ni (Gen.3:15). He thil hi proto-euangelio, the first Gospel an lo ti hial thin, history-a tlanna chungchang leh hrilhlawkna awm zawng zawnga a hmasa ber a nih vang a ni ngei ang. Thil ni thei deuh mai hmuh tur kan nei a, Evi khan a fa hrin hmasak ber kha Chi Thlah chu niin a ngai hman a ni maithei a ni. Kaina a lo pian khan rul lu tithitlingtu tura LALPA tiam kha niin a ngai a nih a rinawm a, a chhan chu a tawngkamah khan eng emaw a inzep tel a ni. A fapaa hmingah Kaina tih a han phuah khan (Wordplay, the verb, kana, to get) Pathian thutiam a rinna a sawi chhuak tlat mai a, kaniti ish-et adonai (Ive gotten a man - namely the Lord) Gen.4:1). Hebrew translator, Ive gotten a man with the help of the LORD tia rendered-tu hian Evi rinna inzep tel kha a hliah daih mai a, a awmzia chu Lalpa tanpuiin tia dah a ni daih hian Hebrew word-a awmze ril tak nei et tih chu a hman dan tur dik tak direct object marker of the verb anga dah lovin with tiin a dah tlat a nih chu! The Ancient Jewish Targum ah erawh chuan Original Hebrew mil chatin a lo indah a, entirnan, Targum Yonatan chuan, Ive gotten a man - the angel of YHWH tiin a lo dah thlap mai a ni. Literal Mizo ah chuan, Mipa ka nei ta - LALPA vantirhkoh chu tihna ang a nih chu. Evi tawngah hian LALPA chu mihringah a lo la chang dawn tih idea kha a lo awm ru reng a nih chu! Chhunhan leh Thaihan - Torah-a letter hmasa ber Bet hi (Bereshit-a letter hmasa ber) Thuthlung Thara letter hnuhnung ber (ie. Amen tih hawrawpa a hnuhnung ber - nun) nen kan dah kawp chuan Hebrew Word-a Fapa tih hi a lo chhuak a ni. Pathian thute hi Thlarau Thianghlim atanga kan neih a ni a, chuvangin Pathian dik tak pakhat The One True God inpuanna a ni a, Bible letter hmasa ber leh tawp ber, Bible bul leh tawp, The First and the last chu Pathian Fapa Yashua HaMashiach hi a lo ni. The letter Aleph - Ashurit leh First Temple Script ahte chuan Hebrew First letter Aleph hian YHWH a entir a, Pathian Alphabet-ah a hmasa ber a ni miau si a ni. Aleph basic gematria chu One a ni a, chu chuan the one and only God, Master of the Universe chu a entir a ni. Gematria-a Aleph hian three parts a nei a, belhn 26 a chhuak thei (yod+yod+vav). Chu chu Hming zahawm YHWH number nen a inzah/intluk chiah a ni (yod+hey+vav+hey). Hei hian Aleph leh YHWH in link-na a entir a ni (Hrethiam awm lo hlawm :-D ). Aleph-ah chuan three parts a awm a, mahse Aleph chu pakhat (echad) a ni tho si, chu chu Godhead-ah hian three persons a awm tihna a ni a, chutih rualin Pathian chu pakhat (echad) a ni bawk si a ni. Aleph letter pathum (gematria of aleph) te chu 111 a ni a (aleph=1, lamed=30, pey=80). Mak si tak si!!
Posted on: Sun, 20 Apr 2014 05:13:13 +0000
Trending Topics
Recently Viewed Topics
© 2015