THIEMFIN A Literary and Art Meet March 8,2014 (Suk Dikna le Hrilfiena) Debate: Procedure and Instructions *Vengbuk tina inthawkin a tlawm taka mi pahni pei thang thei ning a tih, mover pakhat le opposer pakhat ve ve. Mover le oppose ding bik ruok chu vengbuk level a decide ding a nih. *Debate a thang nuom, vengbuk (ei the dana) nei lo ei um a ni chun i vengbuk nuomna taka thang thei i tih. Vengbuk tina leader hai chu post danga hmu thei a ni a, HSA Executive hai khawm indawn thei a ni bawk. *Hmar tawng hlir hlawk hmang chu duthusam a ni lai zingin, an khat tawka sap tawng bel khawm kha inphalam hranpa ding a ni nawh. *Lawmman chu best speaker hai, opposer pakhat le mover pakhat ve ve kuoma pek ning a tih. Resolution/Motion: This house believes that the Hmar customary laws and norms must be REVISED to include women’s rights. Hmar nuhmei hai ngirhmun le chanvo dawmsangna dingin Hmar hnam dan le dun siem that a tul am? Round one: Opposition hai hun pek hmasa ning an tih. An rengin an hril seng ding a nih. Chu zoa movers hai. Mitinin minit 5 pei hun nei an ta, a sei tawpa minit khat bak belsa thei ni naw nih. Round 2: Rebuttal: Hi vela khawm hin opposition hai hun pek hmasa lem ni nawk a ta. Opposition a mi pakhat tak a tawng hmasa ding tina a nih. Ama zo hin mover hai ngir thei ve nawk an tih. Hi zoa chu a nuom nuom in floor chang thei an tih. Hi hun hin indawnna (cross-questioning), fact checking, dawn letna haia hmang ding a nih. Ngir thei zat limit a um nawa, amiruokchu minit 3pei bak hun pek ni naw nih. T-SHIRT T-Shirt Designing inel hi chi hni a the a nih: a) HSA Delhi T-Shirt. Hi hin HSA Delhi member hai cho thang thei an tih. HSA Delhi ta ding binga T Shirt design ding tina a nih. Lawmman dawng dingin pakhat thlang dawk ning a tih. Lawmman: Cash Prize+ Certificate + T Shirt b) Hmar FC Jersey Hi hi tukuma HMAR FC hai jersey ding design inelna a nih. Hmar nau taphawt thrang phal a nih. . Lawmman dawng dingin pakhat thlang dawk ning a tih. Lawmman: Cash Prize+ Certificate+Jersey A thang nuom hai chun JPEG (minimum dimension: 1000 X 1000 pixel) format in, March 7,2014 (12:00 mid-day) chen hin delhithurawn@rediffmail le jpsanate@gmail-ah pek lut thei ning a tih. HLA PHUOK IN-EL *Hnam le ram hmangaina hla, Hmar tawng hlir ning a tih. *A hlathu ziektu dang, thluok siemtu dang khawm pawi naw nih. Lawmman ruok chu an ni kar thu a nih. *Solfa le ni thei sien chu duthusam a na, solfa a um naw a ni khawma thang thei ni tho a tih. Amiruokchuh, a thluok siem awlsam zawnga a thu induong ning a tih. *A phuoktu hin a sak dingin mi dang khawm ruot thei a tih. *A hla (thu) hi hard copy pathum bek hung chawi ding a nih. *Lawman pakhatna le pahnina chen siem a nih. HLASAM/POEM Hlasam (Poem) Ziek Inruolsiekna: Hnam le ram hmangaina chau ni lovin thupui dang dang khawm Hmar tawnga ziek ning a tih. A tlawm takah tlar 7 ning a tih. A phuoktu’n Thiemfin ni hin inzawt a ta, hard copy 3 thelut bawk a tih. Lawmman pakhatna le pahnina siem ning a tih. QUIZ Quiz a hin participant bik um lovin mipui po po participant ning an tih, chu leiin vengbuk tin thungna hran siem ning a tih. Quiz topic a hin Hmar chanchin hlui, thu le hla le tulai Hmar hnam le inzawmna nei hrim hrim thil hai thang a tih. Audio & Visual Round khawm um bawk a tih. Quiz a hin point hmu rawn tak hai vengbuk lawmman siem ning a ta, mimala dawn indik rawn tak pahni hai kuomah lawmman pek ni bawk a tih. SHORT STORY WRITING Tienami tawi ziek inelna a nia, thumal 1500-3500 inkara ziek ding a nih. March 7, 2014 (12:00 Noon) chen hun hawng a nia. A thang nuom hai chun a story, mani hming, address le contact number delhithurawn@rediffmail a hin thawn thei a nih. HMAM THUOMA INCHEI MAWITAK Hi ni hin hnam thuomin thei ang angin inthuom seng ning a ta, nuhmei pakhat le pasal pakhat kuomah thuom mawi tak lawmman pek ning a tih. Endiktu dinga ruot haiin mipui hai po po inthuomna lo en an tih.
Posted on: Mon, 03 Mar 2014 20:46:07 +0000
Trending Topics
Recently Viewed Topics
© 2015