THLAVANG HAUH LEH TEH ANG (FB khawvelah hian inhrithla mai mai teh ang. Ka thin a rim tak tak lo. Social network mai mai a nih hi!). Nang kha, nau angin ka en che a, literature khawvelah i ke i chhep ve tan a, ka phurpui viau che. Mahse, i huang lo i nawr ta tlat. Kei hi, mi dang pawisawi hlau tak ka niin ka hria. Mi dang chanchin a chhe thei ang bera sawi tur chuan ka rilru a hnuaihnung tâwkin ka hre lo. Chu vangin ka theih ang kawngah chuan ka thiante leh mi dang te chanchin hi a tha lam hawi zawngin ka sawi tâng tâng thin. I huang lo i nawr tlat ka nau! Zawlkhawpui lam thleng thlengin maw! Heng ka nau te ka tih fo, Tluangtea Lusei, Dima Chawngthu Thangkim, ZH October Renthlei, Biaktea Virgo Fanai, Dennis Valzotea Gibs-ed Jr., L Vanchiau Thanga, Eldy Vangchhia, Peka Chhakchhuak, Lianchhing Fanai , Mrfair Zela Pachuau, Mazuia Jongte, te leh mi dang te hi ka thisen zawmpui an ni lo va, tun hma pawhin kan inhre hek lo. Mahse, tunah erawh chuan ka ngaina ta viau. A chhan pakhat chu mi dang te an chawimawi hreh loh vâng hi a ni. Nang..? erawh chuan i theihna apiangah i rel a, an tuitang lohzia i sermon tih thâwm ka lo hria a. Ka thin i tirim a nia, i hmaiah ka khang ben hma chein insüm hrâm ang che aw! Ka chanchin erawh chu i duh thâlin lo vahvaihpui la, kan pindan parda balhzia te, kan thutna düp lohzia te, eng mah ni si lo ka chapo si-zia te, literature khawvelah ka thlen sân lutuk lohzia te hi i kalna apiangah lo sermon mawlh teh. Ka haw reng reng lo, ka nihna a ni miau si a. Mahse, mi chapo uchuak lutukah chuan mi chhuah bik lo la. He ziakmite khawvelah hian mi chapo-te leh mi chhiatna ngawr ngawr zawng thinte tân hmun leh hun a awm lohzia chu i la hre telh telh mai ang. I vannei hlauh a, lehkhabu i puitlin hlauh a nih chuan, tuna ka ân hla pawh hi thai lang tel nghe nghe la a tha tak ang. Dam takin awm la, mahse ka naute (I thian te) erawh an chanchin a chhe zawngin sawi tawh lo ang che aw. Ka thlen chin hi a la thui lo va, mahse, ka thlen chin zah ve rap tur erawh chuan hmabâk ila nei thui teh a nia.
Posted on: Fri, 11 Jul 2014 13:58:29 +0000
Trending Topics
Recently Viewed Topics
© 2015