TIPS PULANG KAMPUANG jo PESAWAT !! Untuak dunsanak nan punyo niat Pulang Kampuang jo Pesawat, ambo punyo Tips supayo pulang kampuang aman jo nyaman.. 1. Pastikan dulu sanak tu punyo Kampuang..!! Beko tiket lah tabali kironyo sanak baru sadar kalau sanak ndak punyo Kampuang, mubazir jadinyo beko... 2. Sanak harus sadang di Rantau..!! Beko jan urang pulang kampuang, sanak pulang kampuang pulo, urang antri bali tiket, sanak iyo pulo, kironyo sanak sadang di Kampuang.. 3. Bali lah Tiket jauah-jauah hari sabalun barangkek, jan arok dek ongkos murah beko, sanak cubo pulo naiak dijalan.. 4. Jan lupo makan atau sarapan sabalun barangkek, karano di pesawat ndak ado nan manjua Paragede Angek doh.. 5. Sasudah Check in jan langsuang NAIAK Ka ATEH pesawat, tapi MASUAK kaDALAM pesawat, naiak kateh pesawat disangko urang suporter bola beko.. 6. Duduak lah sasuai jo nomor kursi nan tatulis di tiket sasudah sanak check in, jan duduak pulo disampiang Pilot, sudahtu sanak ajak pulo pilot tu maota.. Eh Pak Pilot kenal jo si mamak Amir ? Tu Mamak wak mah.. Dek arok ongkos perai atau baia saparo, sanak ajak pulo pilot tu maota cando itu. Ndak ado pangaruahnyo doh... 7. Didalam pesawat jan sok akrab atau sok ramah jo urang nan duduak disampiang kito, biaso-biaso sajo lah. Beko dek sok akrab, talapeh sanak batanyo Dima turun ni? Jan lay sanak, mambana ambo.. 8. Katiko pesawat siap-siap ka mandarat, jan bagageh pulo turun, tunggu se lah pesawat tu sabana baranti jo tunggu intruksi dari petugas, saba sajo.. Jan sampai pulo sanak basorak Kiri ciek da.. Lah itu se nyo sanak.. Salamaik Pulang Kampuang untuak nan naik sipatuang basi ..... *tkhusus buat sahabat2 dr ranah minang
Posted on: Tue, 28 Jan 2014 10:57:35 +0000
Trending Topics
Recently Viewed Topics
© 2015