Tangkhul Times, 2nd April 2014 | TBCA Triennial Gathering maholak eina kupsang haira. Imphal, April 1: Tangkhul Baptist Churches Association (TBCA) Triennial Gathering hi Sinakeithei Baptist Churchna host samida March 27 thang eina haophoklaga kathum thang sakhara chi maholak eina kupsanghaira. Kakupa thang ngashunli Churches 45 na lã khangahan chili Union Baptist Church, Ukhrulna first khuihaira, Kachai Baptist Churchna 2nd kala Tashar Baptist Churchna third khuihaira. Lã khangahan kazip chili teomeikapta mi thing thara shakha razangda lumlaolak eina kupsanghaira. Kupthang ngathor worship service atamli matailak eina Dr. AK. Lama, General Secretary, Council of Baptist Churches in North East India (CBCENI) na Unity in Mission kaji tuipongli mathalak eina matuimiya. Ana tuipong hi mamatui ranglakha Rev. Dr. W. Konghar, General Secretary, Manipur Baptist Convention (MBC)na greetings khami atam khuida hanga, khokha kasa hi mataimeikapa. Ana hanga Churchli unity makasa hi morei hakmeikapa. Khokha makasa eina mangla shiman khangasak khaleina. Tangkhul Baptist hi khokha saphalungra, khokha makasa masakapaina, kuingatokla, kathemla, azakla, thangmetla, Tangkhul hi mathalaka. Yur kateina hangda khalei chiya, Tangkhul khokha makasa hili sakaza leiya. Tangkhul khokha makasa hi MBC li sazalak haowa. MBC nala nashi khokha salu, nathumhi mothers Church nada hangda khaleina. Varena rida Tangkhul wui condition hi theikahaina. Nathumli mathan nguilak marada Vareli ngachee sada phongshoka. Paperli phongda khalei hi matui phapha kajina. Tangkhul kateo kahak makhaila khokha sasa. Tangkhul hi hithaching machi mara. Thangkha Tangkhul khokha saphalungrada greetings khami eina ngasoda razangda khalei saikorali ringkapha phongshoka. Ngathor khokharum meeting hili CBCNEI wui General Secretary Dr. AK. Lama na matuimida hanga, CBCNEI hili Church 7000 khalei hili member lakh 11 khaleina. Hospital 6, Bible Seminary 4, Nursing School 4, CLC 5 lei. Ministry bing hiwui sokhami hi America wui einja sokhami kharana. Ana phongshoka, CBCNEI wui General Secretary otpam hiwui eina ngasamhaokida lei. Otpam hi Tangkhul naona phungkhavai Vareli seiha sada leida Dr. AK. Lamana phongshoka. Ana hanga, NE alungli theology tamkhui khare kala doctorate samphang khare hi mawon sathui kahai Dr. Thumra nada phongshoka. Nathum Tangkhul hi talent kachungkha khaleina. TBCA hi hakmeithui kaji Christian agency ngasa khavai seiha sasa. Ithumhi ngarumlaga haklak kahai mission work sakhavai lei. Ana hanga, Nagaland hi Vareshi University shokhavai state Assemblyli pass sahaira. Hiwuivang ringphãlakada phongshoka. NE li khalei katamnaobing wuivang, CBCNEI wuivang seiha samiluda hanga. Awui atamli CBCNEI li khalei Church katonga hi mangarum khangasak hi maringphã manada phongshoka. Tangkhul khokha makasa hiwuivang ningmateo alu. What is Mission? Na ina kasa chi maning mana, mikumona sakakhui maningmana. Mission ot hi katongali sakapaina. Assembly lila sapai, society kachivali sakapaina. Politcis hiya zakashi maning mana kha politics ngareoda khalei mi china zakshi khangasakna. Ana hanga, Mission kaji hiwui kakhalat hangchitheida Vare wuili ithum katonga akhana, yurjat makhaimana. Ithum akha eina akha yangshi khavai maleimanada kasatsangmiya. TBCA Triennial Gathering hili mi kachungkha rakazang hiwuivang kala host Church Sinakeithei Baptist Churchna ngaranmida khalei seba samida kahai, otram ngathami kahai chiwuivang TBCA Secretary Rev. Yarngam Muivahna ningkashila phongshoka. M. Peter Chairman, COLA SKBC na kha hiwui khongnai Kuki khawung 11 lila ningkashi phongkashok eina ngasoda, athumbingna khalem eina vegetable chikat khami, ngachon khami wuivang ringkaphã phongshok haira. Source: The Aja Daily.
Posted on: Wed, 02 Apr 2014 07:12:43 +0000
Trending Topics
Recently Viewed Topics
© 2015