Territoriu Sidreru entama esti domingu a les 15 hores en TPA Territoriu Sidreru ye un programa dedicáu al mundu de la sidra, nel que, baxo la presentación del periodista Inaciu Galán, danse a conocer llagares, chigres, eventos sidreros y otres iniciatives alredor del mundu d’esta bébida y la cultura que la arrodia, imprescindible pa entender Asturies. En cada capítulu visítase un llagar “De llagar en llagar” y una sidrería “La sidrería”, conociendo la so hestoria y actividá, amás un reportaxe ilustra un eventu sidreru y otres cuestiones alredor de la cultura sidrera. Apaez tamién un espaciu “Xente sidrero” dedicáu a falar con persones del mundu la sidra y otres microsecciones como “¿Sabíes qué” o “La pallabra sidrera”. PRIMER CAPÍTULU Nesti primer capítulu de Territoriu Sidreru y de la mano d’Inaciu Galán, conocemos la sidería Casa Lin, n’Avilés, el Llagar Foncueva en Sariegu, y la Fiesta de la Sidra Natural de Xixón. Amás, falamos con Luis Benito García, impulsor de la candidatura de la cultura sidrera a Patrimoniu Inmaterial de la Humanidá. https://facebook/TerritoriuSidreru
Posted on: Sat, 30 Nov 2013 14:28:18 +0000
Trending Topics
Recently Viewed Topics
© 2015