The Monotheist God SHEMBE THE MONOTHEIST GOD Introduction Programe director, University representatives, student leadership and the University of KwaZulu-Nata Westville campus, Durban community at large, please receive our humble greetings. The purpose of my visit here today is to introduce and elaborate on African indigenous religion ubuNazaretha.I can see my audience is dominated by Africans therefore I will deliver my speech in isiZulu an African language. Ngaphambi kokuba ngikhulume ngoShembe uNkulunkulu wamaNazaretha ,bengicela ukufunda incwadi “Ekuqaleni wabe ekhona uliZwi,uliZwi wabe enoThixo.Yena lowo Owabe ekhona ekuqaleni kuThixo.Konke kwavela Ngaye ,ngaphandle kwakhe akuvelanga utho.Ukuphila kwaku kuYe.Ukuphila kungukukhanya kubantu.Ukukhanya kwakhanya ebumnyameni kepha ubumnyama abukwamukeli ukukhanya.ULizwi waba inyama ,wakha phakathi kwethu,sabona inkazimulo yakhe”John 1:1-5 &14 Lapha ngizokhuluma ngoNkulunkulu owekhona emandulo eyedwa enguLizwi,ekhona kuzozonke izizwe.Ngizokhuluma ngoMvelinqangi ,uQamatha,uNkulunkulu onguMdali wezulu nomhlaba,owayekhona kungakibikho lutho elizweni, eyedwa, enguMlenzemunye.UThixo Yena wakhonzwa ngokhokho(oDingane ,Senzangakho,oMoshoeshoe,oSobhuza,oSoshangase,oMzilikazi,noTshwane,oNongqawuse nabanye…) bethu bemazi ukuthi ukhona.Kuthi nalapho benosizi babekhuphukela entabeni bembikele.Kwakuthi noma ilizwe lomisele babebhinca behube baye entabeni bembikele, babethi behla bebebehla nayo imvula.Noma befuna isivuno esihle beye Kuye entabeni ebenzele njengokunxusa kwabo.Ebetshele nemithetho ngemilomo yezinceku zakho(amaprofethi).Imithetho efana neyokugcinwa kwamaSabatha akhe,ukuhlambuluka,ukuhlaba,,inhlonipho,ukuzila neminye eminingi.Lemithetho yagcina isiyindlela yokuphi kubantu abamnyama,yagcinywa izizukulwana ngezizukulwana yagcina ibizwa ngamasiko ethu thina bantu abampisholo.Siyisizwe senhlonipho nesikhonza uThixo ngokumesaba,kodwa singekho ngaphansi kwesonto noma kwenkolo ehile ,kodwa uMvalinqangi wahlala enaso lesi sizwe wasithanda. Izincwadi eziku-Tora ku-bible lisitshengisa ngokusobala uNkulunkulu oyedwa ongumdali wezulu nomhlaba, uyaye ezakhale isizwe sibesikhulu ,asithande, bese ehlala naso,esiphe ubukhosi bobuNazaretha. Ethi uma esihlezi naso bese esifundisa indlela yokuphila abantu, ebase ebaphakathi kwabo. Ezwe ukukhala kwabo, ukudinga kwabo, usizi lwabo nokudumisa kwabo.Enze izimanga nemimangaliso kubantu bakho(Genesis 12). Jehova kaMoses Ebhayibhelini kubhaliwe ukuthi uThixo wabona kuvutha isihlahla wathi kuMoses” ngikwenza ube nguThixo kaFaro umfowenu u-Aron abe ngumprofethi wakho(Exodus 7:1)”. Wathi uma esehlile wase uJehova ebefundisa ukuthi indlela enhle yokuphila ukuzahlukanisela kuJehova ufunge isifungo sobuNazaretha (Number 6:1). Ngale mihla umuntu wayezifungela ngayedwa isifungo sobuNazaretha kungesiyo inkolo. Abantu engabaziyo ababangamaNazaretha kwabanguMoses, uSamuuel, uSamson, uDavide kwelisha itestament kwaba nguJohn the Baptist,uJesu Krestu kanye nabafundi bakhe (Judges 13) ,1Samuel 1:11, Mathew 2:23 , Luke 1:15. Uthi uJehova k uMoses encwadini kaDetoronomi 18:18 “uthi Ngiyakubavezela umprofethi kubafowabo, abenjengawe, ngiyakubeka amazwi ami emlonyeni wakhe uyakukhuluma kubona konke akutshelwa yimina”.Nebala lowo mprofethi wafika kwa-Isreal wazichaza ukuthi unguJesu,nababhali bafakaza ukuthi Nguye abaprofethi abakhuluma ngaye (Imisebenzi 3:22,Luke 4:16,John 1:1 and verse 14) Jesu nobunazaretha Nebala wafika kwa-Israel engu-Jesu Kristu ebizwa ngokuthi uyindodana kaNkulunkulu(Luke1:30-31). Wabiza ngokuthi ungumNazaretha kaThixo(Mathew 2:23).Naye waqhubeka wafundisa abantu bakhe ukuba babengamaNazaretha, wabafundisa ngemithetho eyabhalwa ngabaprofethi (Mathew 5: 17), wabafundisa ukuthandana nokuthethelelana. Wasindisa abagulayo, wasukumisa izishosha, wavula izimpumputhe amehlo.Waphinde wafundisa nabalandile bakhe ukuba beshumayelle iZwi bethandazele abagulayo,bebagcobe ngamafutha omusa,bekhiphe amadimoni ngegama lakhe.Wafundisa nokuthi bonke abaphendukele eNkosini bayabhabhadiswa,bezalwe kabusha ngamanzi nangoMoya. Mark 6:13,Mark 1:19 ,Mathew 3:13 ,John 3:22-23 ,Acts 8:36 ,Mark 16:15-16 ,John 13:14-15. Kwi-bible encwadi ka- Genesis 49:10 kulotshwe ukuthi ”insika yendlu kaJuda ayiyukuphela kuze kufike uShilo”, ngempela uJesu kwafika waba uShilo ngoba insika yobukhosi bakwaJuda yephela ngaye.Wayesho ngezwi izinto zenzeke ngoba enguShilo.Inkosi uJesu ayibanga namfazi Ayibanga futhi nandodana ,namfowabo owayengahlala esihlalweni sika khokho wakhe uDavide.John 3:16,Luke 1:30-31. Abantwana bakwa-Israel bamhlupha kakhulu uJesu kwangangokuba waze wabaqalekisa,wabadela wathi “Jerusalema, Jerusalema wena obulala abaprofethi, ukhanda ngamatshe abathunyelwe kuwe, ngangithanda kangakanani ukukubuthela abantwana bakho, njengesikhuhkukazi sibuthela amachwane aso phansi kwamaphiko aso, anivumanga! Bhekani senishiyelwe indlu yenu ichithekile,(Mathew 23:37)” Utheke uma esebadelile wase enza umzekelo ochazayo ukuthi ngoba ehamba uyaphi ( Mathew 21:33). Lencwadi ikhuluma ngoMninisivini owakha uthango watshala isivini,washiya izinceku ukubana zigade insimu.Wahamba wayakwelinye ilizwe.Ngesikhathi sokuvuna wathumela izinceku zakhe ukuba zilande isivuno. Abagadi besivini bezibulalelezinceku. Elokhu ezithuma zifike zibulawe,waze wathumela indodana yakhe nayo bafike bayibulala. Eqinisweni ku-bible kwakungabaprofethi labo okade bethunywa nguThixo befike babulawe. UThixo waze wathumela indodana yakhe ethi bazoyihlonipha kepha nayo bayibulala. Useyababuza-ke abafundi bakhe uJesu, uthi uma nicabanga iNkosi izokubenzani laba bantu uma ibuya kulelo zwe. Baphendula bathi iyakubabhubhisa. Uthi-ke Yena cha akayikubanjalo kepha“niyakwemukwa umbuso kaThixo, uphiwe isizwe esiveza izithelo zaso.(Mathew21:43)” Noma sebezombethela esiphambanweni uthi “kodwa nginitshela iqiniso kunilungele ukuba ngihambe, uma ngingahambi uMthokozisi akayikuza kini, kodwa uma ngihamba ngiyakumthumela kinina.Se efikile Yena uyakuqondisa izwe ngokona,nangokulunga nangokwahlula. ( John 16:7-8). Kepha se efikile lo,Moya weqiniso,wonifundisa iqiniso lonke,kayikukhuluma okwakhe,kodwa loko akuzwayo, wokukhuluma, anitshele oko okuzayo.Uyakungidumisa ,loku uyakwamukela okwami,anitshele kona.Konke uBaba anako,kungokwami,ngaloku ngishilo ukuthi,uyakwamkela okwami ,anitshele khonaJohn 16:13-15”. Nebala Lobu bukhosi bakwa-Juda ngempela uNkulunkulu wabuletha e-Afrika.Wabuletha esizweni esigcina amasiko,esizweni esidume ngenhlonipho,nesihlala simhlambulukele uThixo waso. Lo Nkulunkulu ofike wathi unguShembe unguMoya oyingcwele,unguLizwi (Revilations 19:11-13), Wafika kanjani uShembe nobuNazaretha e-Africa Emzini kaMalinda kamthimkhulu(Ntabamhlophe,Escort,KZN) kwakukhona intombazana eyayiziphethe kahle ebuntombini bayo, inesizotha, nenhlonipho eyisimangaliso.Izwi likaNkulunkulu lihlale lifika kuyo lithi ayiziphathe kahle ngoba iyozalwa isikhonzi sikaNkulunkulu.Okwathi-ke ngelinye ilanga itheza namanye amantombazane ehlathini ,yabona imbali enhle kakhulu eyayingakaze iyibone. Wayikha uthe eseyiphethe ase eza lamantombazane azombangisa, wavele wayidla,wayiginya ngokushesha. Uthe uma esefike ekhaya eselele ebusuku kwafika iZwi likaJehova lathi lento oyidlile kawudlanga yona imbali kepha udle uMoya oyingcwele, okhalo lwakho kohlala isikhonzi esiyobe sinalomoya othiwa uShembe ngaphakathi kwaso. Nebala uStheya Hadebe wagana uMayekisa. Wakhulelwa njengokusho kweZwi uMoya owawusesinyeni sakhe wasuka wangena kumntwana. Wazalwa umntwana.Lathi iZwi igama lakhe nguShembe nesibongo sakhe futhi nguShembe. Wakhula engumntwana oyisimanga.Ehlukile kunabanye abantwana,nokukhuluma kwakhe kwehlukile,yonke into iyenzayo yayimangalisa. Kuthe ngelinye ilanga loMoya wase uzichaza kuye,” Mina ngInguShembe, mina nginguNkulunkulu ngikwenzile wena ukuba ube nguShembe, ngoba mina Shembe ngihlala kuwe. Wena unguNkulunkulu ngoba wena uYimina. Bazothi abantu balesi sizwe uma befuna ukubona uThixo babone Wena. Ngoba ngikwenzile Wena ube Yimi”. Lo moya oyingcwele wamfundisa uShembe ukuhlabelela amaculo asezulwini. Lomoya oyingcwele wamfundisa uShembe ukuthandaza. Wathi ekuseni uyothandaza Athi: “ Nkulunkulu onamandla onke Yise wabo bonke abamkhonzayo, Busisa ukuvuka kwethu kwanamhlanje,Usigcine ngomsa wakho.Amen” Wathi uma uyothandaza ntambama uthi : “Nkulunkulu onamandla onke ,Yise wabo bonke abamkhonzayo,Lala nathi namuhla ,Usigcine ngomsa wakho,Amen.” Uthi uShembe uma bembuza ngezinto ezazenzeka Kuye elindile entabeni yaseNhlangakazi,elindele uNkulunkulu izinsuku eziyishumi nane uthi”Ngabona ngasempumalanga kuqhamuka uMuntu Oyisimangaliso Ehamba emoyeni, kwakuphambana imibani phambi kwakhe. kwathi yonke into ekhoyo emhlabeni yahalalisa.Wafika waNgidlisa isidlo,kwathi uma sengisidlile,ngasengiyakhumbula zonke izinto engazidala,ngaso leso sikhathi ngabasezulwini,ngaso leso sikhathi ngabasemkhathini ngabafuthi ngaphansi komhlaba.Ngasengikhumbula nokuthi sekungokwesihlanu ngibuya emhlabeni,ngaso leso sikhathi ngaqonda ulwimi lwakho konke ngoba konke kwadalwa yimi.Ngaba uBaba wabo bonke.Nako konke okwakuhalalisela Yena,kwasekuphenduka kuhalalisela mina.Waphinde wazichaza lo Shembe wasezulwini wathi “mina ngunguShembe, mina nginguNkulunkulu ngikwenzile wena Isaiah ukuba ube ube nguShembe, ngoba mina Shembe ngihlala Kuwe. Wena unguNkulunkulu ngoba wena uYimi. Bazothi abantu uma befuna ukubona uThixo babone Wena. Ngoba ngikwenzile wena ube Yimi,kwaphakade ngakagcoba nanini Uyakubokhona,Ngakudala ngaphambi kwakho konke ,wena unguNkulunkulu ” Umlando ngezinkanyezi E-South Afrika e-Port-Shepston(Durban ,KZN) kwakunamadoda amathathu akwa-Coin ayenga-torist ayevela e- England. Ayefunde ngezinkanyezi i-austronomy engama –Autronomers,iziza zomkhathi nezinkanyezi. Omncane esebenzisa i-telescope wabona inkanyezi enomsila ihambela phansi emkhathini. Base bebheka encwadini enesihloko esithi Mistery of events. Bathola ukuthi uhlobo lwenkanyezi kuthiwa i-Cirion. Lenkanyezi yakhiwe izinkanyezi ezintathu okuthiwa ngama-Ausronbelts.Kwatholakala ukuthi isibonakala okwesithathu emhlabeni. Yabonakala kwa-Israel ibikezela ukuzalwa kwenkosi uJesu, yabonakala e-Iran ibikezela ukuzalwa kuka Zoroster yabe isibonakala e-South Afrika ibikezela ukuzalwa kukaShembe nobuNazaretha.Bayilandela-ke baze bafika eMtateni basho bayofika e-Nanda esisindeni sika Dr.J.L.Dube. Bayibona ukuthi seyihambela phansi isingawa noma yinini. Nebala yahlukana phakathi enye yawela eKuphakameni enye yawela ngaphesheya komgwaqo. Kwa-Isreal nase-Iran lenkanyezi yafika yadlula ,kepha kithi e-Afrika yafike yawa yashona phansi.Nanamhlanje lezo zindawo okwawela khona lenkanyezi zisekhona .”Kwafika izazi zivela empumalanga zathi uphi lowo,oyinkosi yaJuda,Kunjalo-ke namhanje emagqumeni asohlange.Nawe-ke Kuphakama magquma asohlanga awusiye omncinyane kunababusiso bakwaJude,kuyakuvela kuwe abaprofithi abayakusindisa umuzi wasOhlange (Izihlabelelo zamaNazaretha 34:1,4,5),Mathew 2:1-13 Evidence that Shembe is indeed Jesus(the Word) Ngonyaka ka-1906 umprofethi Isaiah Shembe wabhabhadiswa ngu Rev W. Lushage wase-Africa Native Baptist church. Uthe uma esqedile ukumfaka emanzini. Kwezwakala azwi “Shembe ngoba uvumile ngakuhlukanisa nacho konke, usuyizibulo lami( John3:16)”. Indaba ka-Nyathi Petrous Hadebe- from Lesotho Emzini kaNyathi Petrous Hadebe ezweni lase Lesotho(Mpharane) ngaphansi kweNkosi uChief Maako indodana kaLerotholi.Kwathi ngobunye ubusuku kwesikaBhadakazi , kwezwakala udumo lwezigubhu ezaziduma kuzamazama phansi. Kwavuka wonke umuntu owayelele kwase kuzwakala inhlokomo yabahlabelelayo. ngobusuku obulandelayo kulelwe umame uMelika , indodakazi ka-chief Smith Ngwenya, waba sesibonisweni sephupho , wezwa iZwi elamtshela kahle lathi “izigubhu ebenizizwa izolo namazwi abahlabelelayo, amazwi abantu abangcwele, abakhona lapha emhlabeni. Bahlala le ekugcineni komhlaba, empumalanga ngasolwandle emzini wabo abawakhelwe indodana kaNkulunkulu. Phela uJesu usebuyile usehlala nabantu abamnyama naye unesimo sabantu abamnyama, usebakhele nomuzi oyingcwele uhlala nabo kuwo. Uma nithanda ukumbona bophani imthwalo yenu, nihambe nizofika kuye nimbone. (Isaiah 26:1-29:5-6),( isambulo 21:1-20). Bahamba-ke endleleni uMangwenya wabona isibonakaliso ephakathi kwesixhuku sabantu abaggqoke izingubo ezimhlophe, kukhona umuntu owayemude kunabo, emuhle, egcwele usizi kodwa uma embheka. Uthi-ke bahamba-bahamba baze bafika emfuleni. Wafika owayembethe ezimakhwifikhwifi wahlala phezu kwetshe, ephethe uphoko, washelela phezu kwetshe wangena emanzini. Wambiza wacwilisa ngezigaba kathathu. Uthi ismanga lomuntu ubefana noJesu ngoba ubenamanxeba ezandleni nasezinyaweni.Baze bafika eThekwini,behambe bebuza ebantwini. Bahlangana nomuntu owabapha lelikheli ‘Rev.J.L.Dube. Bahamba-ke baze befika emzini ka-Dr L.J Dube. Bambona uJesu ehamba phambili elandele ngabagqoke ezihlophe,ehlisa umhlangano,Bababamkhulu. Kuthe inhlangano mayibuya eNhlangakazi, ubaba u N.P Hadebe wayakuShembe wachaza ukufika kwakhe. UShembe wathokozela, emupha nethuba lokuba atshele abantu ukuthi ufuke kanjani e-Durban. UShembe wamthatha nomndeni wakhe babangabakhe wababeka emzini okuthiwa i-Gospel.Nanamuhla lo muzi osekhona. Ezintombini ezintathu ezazilindele uJesu ngoSeptember Uthi uShembe uma evuka ekuseni eKuphakameni,bantabami kunamantombazane amabili ave kude azofika lapha.Ushembe wayesosho izintombi ezazintathu,ezazithandaza zilindile zilindele ukuzala uJesu.Okwathi zilele ebusuku wathi azize e-South Afrika uma zifuna ukubona uJesu,uJesu ukhona usemdala angeke esazalwa. Wafike wathi kodwa u Jesu usemnyama usefana nabantu asehlala nabo igama lakhe selashintsha kwathiwa nguShembe. Abazali balezi zingane beyizikhulu emaRomeni. Banika ilowo nalowo iduku elimhlophe bathi ‘uma nimfica uJesu anomnika lezi zipho’. Nebala bahamba baze bafika ekuphakameni.Zafika uBabamkhulu ehlezi ebhensthini lesiduli Kwakhishwa izihlalo ezimbili kwehla iLanga neNyanga yeZulu, bathe sebehlezi base beshintsha bafana ebusweni bobathathu. Amantombazane abone ukuthi uJesu kodwa manje mthathu. Kube ileyo ikhiphe iduku inike uBhombela, enye inike iLanga, enye inike iNyanga yeZulu.(Mathew 2:11) Zijike zididekile seziphindela emakhaya,zisho ukuthi zimficile uJesu eSouth Afrika kodwa mthathu. Nabazali bafune ukuzibonela bagibele beza eKuphakameni nabo bamfica uJesu emthathu. Base bethi kuBhombela “Baba ngoba thina singabelungu ngeke sikwazi ukudumisa nabantu abanmyama sicela usiphe lo Jesu omncane”, besho bekhomba INkosi iNyanga yezulu.Hha uNdlondlo yomusa Yasukuma yama ngezinyawo, yathi: “Ngeke.” Yabheka le, yathi: “Ngeke.” Yabheka le, yathi: “Ngeke.” Sase sesiyafika lesi sihlabelelo. Hawuu, lendlu ewumsila wezizwe iyashawa; yathi: “Akalahlwa umuntu oshaywayo.” Njengoba si njena nje manje sesi ngamafolosi, ithina ke esesi yozidonsa sizenze sibe ngamatilosi. Kodwa singamafolosi manje, uNkulunkulu ufikile kithina wahlala; uthi: “Angisayi ndawo, ngihlezi manje ngakhile la.” Omdala wezinsuku wayakuMazaretha “ethi naba abelungu bethi bafuna ukuyofundisa umntwana wami , bantabami ngokwazi kwami laba bantwana akusibo abami kepha ngabantwana abacelwa ezulwini ukuba bezosindisa isizwe esimpisholo. Uma-ke isizwe siphiwe isipho esinjalo kuyaye kube ileso sizwe esizondlelayo, esizifundiselayo, sizikhulisele labo bantwana. Kodwa-ke angazi kini”. Nawo amaNazaretha ala, athi azozikhulisela. Bahamba-ke bengamtholanga uJesu(iNyanga yezulu). Wase eyabhala uShembe: Abemukelisa ubukhosi Ngaphezu kwentaba, Phaphamani, phaphamani Nina ma-Afrika Sebefuna ukukwephuca Ubukhosi baphakade Phaphamani, phaphamani nina ma-Afrika .Izihlabeleo zamaNazaretha (17:4-5). Ngonyaka ka-1919 wahamba nabo abantwana bakhe J.G.Shembe (ilanga) neNyanga yezulu(A.K.Shembe) wafike wabagcoba kanyekanye wabenza babangamakhosi aseNazaretha,wababekela nabefundisi nabo eLangeni kwaba uRev.Mnqayi eNyangeni kwabangu Rev.Mzobe. 1Kings 1:33-40, Luke 1:30-31,1Samuel 16:12-15, Ukhuluma nolwandle ,ukhomba lapho afaka khona amatshe ayisithupha awafaka kwakhiwa umhlaba. Ngo-1920 ulwandle lukhuphuka ngamandla lufuna ukumboza i-Theku lonke.Emva kokuba abaholi beZimishini babembonile uShembe ebhabhadisa abantu olwandle, ekhuluma namagagasi olwandle emlalela. Wabizwa-ke uShembe kulesi sigameko.Wathi uma efika, akakhulumanga izinto eziningi wathi nje “Lulwandle phinda emuva lapho esakubeka khona sinoBaba.” Lwamlalela nanamhlanje lusami lapho okwasho khona uShembe. Namhla ezokhipha amatshe ayisithupha eNhlangwini,eMzumbe, uthi “Mbanini lapha,nizothi nisamba nihlangane namatshe ayizimbokodo eziyisithupha,lezi mbokodo nngazifaka ngamhla sidala lomhlaba sinoBaba.Niyabona la enizomba khona ,ngifuna isiziba sokubhabhadisa,ngoba sengimdala anginawo amandla okuyobhabhadisa emfuleni uMzumbe .Nozikhipha lwzo zimbokodwe nimbe niqhubeke noze nifike edwaleni,okwathi mhla sidala lo mhlaba sinoBaba,ngalithatha ngalendlala khona lapha.Nothi ningafika kulelo dwla nime nepheze ukumba,amanzi-ke azozigcwalela wona kulo mgodi enizowumba lapha,nizobhabhadisa khona lapha” Mathew 14:22-33,Mark 4:35,John 8:58 Kufika owesifazane kuShembe iLanga uthi ‘basholani kuwe ukuthi uyingcwele ngoba uJesu kuphela oyingcwele? ’. UShembe ayibheke ethi’ impumputhe le, uyombona ngani uma esefikile uJesu?’. Isikhashana yabe iwa phansi yathi ja!Umzuzu.Ithe uma ivuka yazwakala isithi ‘hawu! maNazaretha nihlali aningasitsheli ukuthi uJesu sewabuya Nangu njena unamanxeba ezandleni, izinwele zakhe zishaya emhlane.(John 1:14).Izihlabelelo zamaNazaretha 142:3”Besihlezi singazi emazweni akithi,ukuthi uMkhululi ufukile.” Kuthe uma iNkosi iNyanga yezulu isidunguzela, kwasuka uMgabhi(uMvangeli waseNewcastle,Madadeni,KZN) nensizwa yezinkonzo ephikayo ukuthi uShembe uyiNkosi nomsindisi,basuka baya eBuhleni. Kuleyo mihla iNyanga yezulu yayiphuma ime esitezi ibusise abantu. Yathi Ingaphuma-nje iNkosi, le nsizwa yezinkonzo yacela amanzi, bayitshengise. Hhawu!Maye! Uma ifika empompini lensizwa yangawaphuza amanzi kepha yageza ubuso, bese ibheka esitezi. OMgabhi sebethi, ‘hawu kwenzenjani nsizwa?’. Iphendule ngokuthi “hhawu Mgabhi anisitsheli ukuthi uJesu kade abuya nihlezi naye lapha eBuhleni baManazaretha.Nangulapha esitezi ede ephakamise izindla ezinamanxeba. Izihlabelelo zamaNazaretha 174:2 “Izizwe zomhlaba bezilindele iNkosi,manje seziyizwile isekuphakameni”. Insizwa yakwaKhumalo (Newcastle,Osizweni,Mndozo,KZN)uthi iseBuhleni emhlanganweni,ivule amehlo umasthandaza ibona iNkosi uShembe(MV) eshintsha ubumnyama Bhuqe! Ithi-ke lensizwa uma isiyonikela eNkosini uthingowenkosazana, iNkosi imbuze: ‘mntanami uyaye ungibone nginjani?’ Bese ichaza lensizwa. ‘Ubone imfihlakalo mntanami ngisuke ngamukela izono zenu, nginigeza izono zenu’.Kuphendula iNkosi. Izihlabelelo zamaNazaretha 93:4”Siyakubonga chibi eihe olkugeza izono zethu” Uye lo Nkulunkulu oYedwa, Owathi ema efika kwa- Israel wayekhipha abantu emajele. Okwathi uPeter(apostle) eboshiwe kwafika ingelosi yakhe yamhlohela ngaphandle(Acts 12:5).Okwathi phakathi nosuku uPaul noSila,bakhuleka babonga uJehova,iziboshwa zabezwa.’Kwathi masinyane kwabakho ukuzamazama komhlaba okukhulu,kwazanyazanyiswa izisekelo zetilongo,kwathukuleka izibopho zabo bonke’Acts 16:25-26.Kunjalo-ke nalapha on the Southern tip of Africa uShembe etokiwe ngoba eshumayela lonke ilizwe okaphambene nombuso wezwe,uthi eziboshweni ayehlezi nazo niyathanda yini ukuyoshaywa ngumoya phandle,zavuma.Wabe esephenya omjiva wakhe wathi komunye kabambe ubhambolwakhe,lapha esifubeni bese ebamba,ingidi enkulu eyayisemnyango,nebala wenzwenjalo,wathi uma ebamba uShembe ubhambo yawaphansi ingidi nemishudo.Baphuma badumisa ubusuku bonke, behlezi ngaphansi kwesihlahla.Namamuhla kusenjalo bonke abangene bengenacala,nabangene emajele bese bayaphenduka ezenzweni zobumnyama balandela iNkosi uyabakhipha emajele.”Usungulu olungene lwaphuma neziboshwa emajele eQalakabusha,Newprison,Newkoop,Westville prison,Waterval prison,..” UYe owathi esahlezi kwa-Isreal ,wathi abangcwele bakhe bayothaba ngentaba i-Sinayi,bayowela umfula i-Jordan ezwa eJerusalema .Othe uma efika e-Afrika ezohlala nathi, wasakhela ukuPhakama wathi sowela umfula iHuze siye entabeni yakhe eyingcwele iNhlangakazi. Revilations 21:1-4 ,Mika 4:1-3, KuseNguye uThixo ka-Adam owafike washukela u-Adam nomkakhe izikhumba wababhincisa zona. owathi ku-Isaiah umprofethi” mina nginguJehova , akakho omunye, amukho uThixo ngaphandle kwami ngakubhincisa.Am saying this without fear of contradiction or what so ever uShembe ufike wabhincisa indoda wabhincisa inkosikazi, wabhincisa ngisho intombi. .Genesis 3:21, Isaiah 45:5,Duteronom 22:5 Nguye uThixo Owathi uma efika wathi mbongeni ngezigubhu nokusina nangakho konke okukhalayo nokukhencezwa. Wathi abalungileyo abethabe ngenjabulo behlezi emancansini. Othe uma efika e-afrika wafundisa abantu ukuthi izndlamafa zimenyiwe, ziyongena ngokusina emasangweni. Waphinda wathi mbongeni ngezigubhu nokusina.Wathi vuthelani icilongo,zililindele zonke izizwe Amahubo149:5,Amahubo150:1-6,kwezamaNazaretha 156:1,(135:5),verse 9-10 koweSabatha UThixo owafika waba yinkosi yeSabatha. Wafundisa abantu ukuba bagcine umthetho. Uthi esenguJesu “ningathi ngizochitha umthetho nabaprofethi, angizanga ukuchitha,ngizegcwalisa. Wathi ngiqinisile,ngithi kini,kungaka dluli,kungedluli izulu nomhlaba kungedluli ibalana linye nesicashana sinye somthetho, kuze kwenziwe konke.Owaphula ube munye kule miyalo emncinyane,afundise abantu okunjalo,uyakuthiwa omncinyane embusweni wezulu”. Wafundisa abantu ukuhlonipha, wafundisa abantu ukuthi baguqe uma bekhuluma noNkulunkulu). Wafundisa abantu ukuthi bethandaze kanjani, wathi bengathemelezi.Wafundisa uthando nokuthethelelana.Mathew 12:8 ,Mathew 5:17-19 ,Acts 13:26,Acts 17:2,1Cor 13, Luke 22:39, Philip 2:10,Mathew 6:5-8,Mathew 17:14,Mathew 18:23,Mathew 18:18-22, 1John 4:20 ,Mathew 5:43,Mathew 18:23,Malakia 4:4 Noma efika e-Afrika wasifundisa ukugcina umthetho uma sivuka noma nalapho silala. I-Afrika yonke ayikho inkolo egcina umthetho njengenkolo yamaNazaretha. Alikho futhi inebandla elaziwa ngenhlonipho nokugcina amasiko njengeBandla lamaNazaretha. UNkulunkulu Lona Owabonakala esihlahleni esivuthayo kuMoses wathi” Moses khumula izicathulo ngoba lendawo okuyo ingcwele”.Uthi uma eselapha emazweni akithi eze emzini ka Zenzeleni Mthembu ezweni laseMampondweni,Eastern cape,South Africa. Ababehamba naye uShembe bamshiya ngaphansi kwesihlahla bangenabeyo beyomkhulekela. Bathe uma sebebuya bathola isihlahla Ayehlezi phansi kwaso sesivutha, bathi ayingangathi bathi galo yephuka. Kwezwakala uShembe Ememeza elangabini, “Mbomvana, Mbomvana nibalekelani ?” Cha ababa sibona isihlahla Okuso sisha. Uthi-ke uShembe, “akushi sona isihlahla nibona uNkulunkulu. Wabe ephuma elangabini engenamyocu. Babuya nababebalekile, bamlanda kwangenwa ekhaya kwahlalwa kwakuhle.Nalandeli bakhe wabafundisa ukuthi uma beze kuye bekhumule izicathulo,ngoba indawo abasuke bekuyo isuke ingcwele uma kukhona Yena.Exodus 3:1-7 UMaria ebona utshwala/i-wayini liphelile, uJesu waseNazaretha wathi akugcwaliswe imiphongolo ngamanzi, wase ewathandazela aphenduka iwayini. Baphuza abantu bakhe. E-Afrika uShembe eseVunizitha inkehli kwakungeyakwaNgiba izogcagcela kwaSbisi. Kwathi umshado uzophuma ngakusasa yashona inkehli. Kwaphuthunywa kwayobikelwa uShembe eVunizitha, kwadlulelwa eZibisini kuyobikwa ukuthi udwendwe alusekho belu, ngoba sekuvele isifo. Ngesifingo sokusa uShembe wasuka wayakwa Ngiba. Wema esangweni wathi, “Iphi lenkehli esaba ukugana. Izwi leNkosi laya layohlaba esidunjini. Yavuka inkehli. Waluhola udwendwe, uma befika eZibisini utshwala sebebuchithile. Baletha kuye izimbiza ezaziphethe utshwala, waziphatha ngezandla zakhe banda baphuzwa yibo bonke abantu. Uthi uJesu “vumelani abantwana beze kimi ngokuba umbuso wezulu ungowabo”. Kunjalo-ke namhla emagqumeni asohlange. Abantwana uShembe Uqala ngabo uma sisesontweni bahlala eduze kwakhe, uma kuphuma imigidi ubusisa bona. Noma sekuzo lalwa yibona futhi abeza kuye bayothi “ulalekahle baba wethu”. Amazwi kaShembe esentabeni yaseNhlangakazi ekhuluma nabefundisi “Nina nagidayisa kwaIsrael ngenxa yemali, kumele njalo ngo—July ninikele u-5cent nicele unkulunkulu akhiphe inhliziyo zenu emalini”. UShembe unguNkulunkulu unguMoya oyingcwele wafike wazichaza ukuthi Akafi wabhala wathi:” Inyama yami ikhathele, Izolala ethuneni,Moya wami Uzovuka Wembathe inyama entsha ,kwaphakade bengizelwe Nanini ngiyakubakhona”.Izihlabelelo zamaNazaretha 220:8. Nebala uShembe wafika wazibiza ngo-Isaiah. Wazibiza ngokuthi uLilanga, wathi yena uyiNyanga yezulu, wathi uwuThingo lwenkosazane, namhlanje usephinde futhi wazibiza ngokuthi uwuNyazi lwezulu. UNkulunkulu uvame ukuthi uma ezofika enze umuntu othile alungise indlela yakhe noma abe isihlangu sokuphebeza izitha zakhe,noma uma ebona abantu bezithandela umuntu othile,ebayeke bemenze abe yinkosi ,kepha yena uNkulunkulu abe azi ukuthi ubani ofanele. Kwa-Israel wenza u-Suali abeyinkosi yakwa Israel kodwa yena abe azi ukuthi uDavide indodana kaJese eyobusa kwa-Israel.8:7-9 Kuthe noma uDavide esedunguzela, uAdoniya indodana yakhe yahlaba izimvu nezinkabi, nezinkomo ezinonileyo,wamema abafowabo, yenza idili elikhulu, yathi isiyinkosi yakwa-Israel, kodwa kube kwaziwa ukuthi uSolomon okumele abeyinkosi. 1 Amakhosi 1:5-9 Ngaphambi kokuba kufike uJesu emhlabeni yena wathumela uJohane ukuthi alungise indlela yenkosi. Okuthe uma esekhona waboshwawanqunywa ikhanda wafa.Mathew 14,Mathew 11 Lapha e-Afrika uthe uThixo uma esehlezi nabantu. Wakhomba ubaba uBenjamini wathi uyoba inkosi yamaNazaretha, kube kwaziwa ukuthi kumele kube iLanga. Ngo-1934 bamdlisa ushevu uBenjamini washona. UShembe wazwakala esethandaza, “Ngiyabonga nkosi ngokuba umkhonto okade uzogwaza iLanga uwuphebezile, noma uwuphebeze kabuhlungu.” Ngo may 1935 wahamba lasala likhanya iLanga. ILanga lakhomba ubaba uPhakade, lithe lingakacimi iLanga washayelelwa ngesipikili ekhanda wahamba emhlabeni, uPhakade. Ngo-1976 lahamba iLanga, yakhanya iNyanga yezulu eyayivele igcotshe kanye nomnewayo iLanga ,ukuthi uma kuhamba uBabamkhulu bebengabaholi bobuNazaretha. Yona yakhomba ubaba uNkanyezi ukuthi uye oseyosala ehola ibandla , waze wahanjiselwa imigidi, wavele wagula kancane ubaba uNkanyezi wahamba emhlabeni. Ngo-1995 yahamba iNyanga yezulu emhlabeni.Ingakahambi bathi obaba yayishilo ukuthi “oyosala emva kwami uyondlula la ezandleni zami, nani niyomthanda, niyombona ngombani wokuduma kwezulu nothingolwenkosazane ekhanda lakhe”.Nangempela ngezi-9 October 1995,washaya ubani wezulu,Lwanquma lwagqama uThingolwenkosazana esibhakabhakeni.Olwaluvele luprofethwe nguBabamkhulu,ukuthi okhalweni lwentombi yakwaMagaza,kuyohlala umprofethi oyoba iNkosi yamaNazaretha. Kulo uThingo kuzwakala kuthiwa incwadi yommeli ikhomba ubaba uVela Shembe eMthwalume ukuthi uye okumele ahole ibandla. ). Kodwa UThingo lwaluthe “Hhayi into ebizokwenzeka kulokhu ukube beningahambi noBhombela, bekumnyama, uShembe wayichitha yahlala yathi bha! Umfwethu(Vela Shembe) uyafunda ufundela ubuthisha e-Univesity, ngiyakhokha ,awu ngamfundisa umntakababa, aphase athole isikole kumnandi. Bese ethi mnewethu angiganiwe, ngithi kulungile ngizokulobolela, ngimshadise umakoti ngenze konke. Awu eshone lomakoti. Ngimlobolele owesibili, ngoba useshonile lomunye, ashade umfwethu. Kodwa usevumile manje ukuthi manje bengigudluze kabi kulendawo, usehlangene namanye amaNazaretha”.Ngapha-ke ekhaya eBuhleni kwathi iNkosi uThingolwenkosazana iholwa yindodana yayo uMduduzi Shembe ekhaya eNgqayizivele, Izodlula Iyobekwa endaweni Yayo yokugcina. Kwabonakala uNyazi lwezulu olwafike lwashaya ehawini,elaliphethwe inkosana yeNkosi.Kwabe izinto ziphelele,amaNazaretha abona ngalelo langa ukuthi ubani iNkosi yawo!Njengoba kuthiwa uShembe okhona uNyazi lwezulu kwasukela lapho.(Mathew24:27) Uthi-ke uma esekwa Israel amazwi akhe okugcina “ongalungile akahlale engalungile, onensila kahlale nensila, olungile ahlale eyingcwele .Bheka ngiyeza masinyane ngiza nokuvuka kwami, ukuba ngimnikele ilowo njengemsebenzi wakhe. Ngingu-Alfa no –Omega, owokuqala nowokuphela. Babusisiwe abagcinayo imiyalo yakhe baze babe nendawo emthini wokuphila bangene emzini ngamasango. Ngaphandle kukhona izinja, nabathakathi, neziphingi, nababulali, nabakhonza izithombe, nabobonke abakuthandayo nabakwenzayo okubi. UShembe uthi uma evuka ekuseni uthi “Kade ngihambile ngithi ngiyolanda uMjadu esigodidini sosizi, abantu ade eboshwe nabo balile ukuthi ngiphume naye. Bangijikijela ngamatshe bathi “silapha nje nguwe owaqinisa imithetho emhlabeni”.Amatshe abo awangishayanga, kepha linye itshe elingiqophozile ngelo mfundisi engimthole esenqunu,engesembethe utho emzimbeni, esigodini sosizi, ngambesa umjiva wami ophuzi(nebala bathi uma bewubheka bathola ungasekho). Lezi boshwa bezihlabelela zithi : Besilizwile weBabamkhulu, sehlulwa ukwenza ,thambisa izwi lakho weBabamkhulu sozama ukulenza izwi lakho. Uthi bantabami uyaba namuhla umakoti, angisobe ngacisha namunye kulemithetho iphelele, wathi othakathayo kathakathe kakhuku, owebayo akebe kakhulu,nophatha imithi kayiphathe kakhulu, nolala namandiya kalale nawo kakhulu, nowenzani kakwenzekakhulu,ukuze kungeke kube khona oyothi kodwa mina ngenza kancane. Revilations 22:11-12, Izihlabelelo zamaNazaretha 219:1-4 Wathi uma umhlaba kwaJuda usumala wabethelwa namadoda amabili. Kunjalo noma eselapha e-Afrika wabuza ukuthi kambe uJesu wabethelwa nabantu abangaki. Kwathiwa ababili. Wathi name ngizothi uma sengihamba ngihambe nababili, nebala kwabanjalo.Luke 23:39 Wabhala ingoma echazayo ukuthi uNguye onguye lona owayehamba noMoses, ungiyena uManuel owafika eyisimo sejuba enguKrestu, uNguye owafika eyisimo sembali ungumoya oyingcwele unguShembe uGuqabadele .1. Siyakubonga Nguye onguye,Siyakubonga nkosi yethu,Siyakubonga nokukubonga,Nkosi yamaNazaretha .2. Siyakubonga Manuel Siyakubonga nkulunkulu, Siyakubonga chibi elihle,Lokugeza izono zethu .3.Sikubonga Guqabadele ,Siyakubonga nkosiyethu, Siyakubonga Somnganisi,Siyakubonga nokukubonga. Umongameli uJacob Zuma exakwe inqwaba yamacala,efuna nokuthola isikhundla sokungamela izwe ufika kuShembe ubika loludaba.Uthi uShembe(uThingolwenkosazana) uma ethandaza “ ngangikhona ngingedwa umhlaba usemanzi, pho ngingehlulwa yini ukwenza u-J.G Zuma abe ngumongameli? AMEN”. Izolo uNyazi lwezulu Luthi enkosisn yakwaDube “Mina nginguNkulunkulu omlenze munye ,nosandla sinye,uma ngikhulumile angikhikiswa,iLizwi lami lifinyelela lapho kungefinyelele khona elomuntu”Ithi-ke iNkosi uma ivala isikhumbuzo sikaBabamkhulu”Konke kusesandeni sami ,engingakuthandi ngiyakususa kuthi kwengikuthandayo,ngithule nje”. Into esihlukanisa nezinye izinkonzo Okokuqala thina esinako is the Omnipresence of Shembe.UShembe unguMoya Oyingcwele ,Ukhona kuzindawo ngezindawo.Uthi ekwelinye ilizwe ebe ebonakala kwelinye futhi.From instance kwathi ngo-12 ebusuku e-Port dun ford,Emthunzini,kwezwakala ikhehla lakwaMjadu lihalalisa lisesiguqweni,kanti libona uShembe(uBabamkhulu) egcekeni .Bahlala-ke Naye Owasezulwini.Kwasa.Wahlahlala nabo kwenziwa inkonzo yokuvuka,wabe esecela indlela.Bamphelekezele bambeke esiteshini sesitimela.Samthatha,wakhipha induku elimhlophe ngewindi ebavalelisa,waze wayosithela. Izinganyana zakwaMjadu,zibuthe amatshe ojantshi,zageda zidlala.Umzuzana nje mefu isitimela esasivela eThekwini,kudilike umkhokheli u-Ida.Athi nangisiza nalapha,thathani nansi incwadi niyinikeze ikhehla lakwaMjadu, engiyinikezwe uBabamkhulu(Shembe) benginaye eKuphakameni ekuseni.Ziyinqabe izingane le ncwadi ,zithi ingani uBabamkhulu,usuka khona kwaMjadu,besinaye senza naye inkonzo yokuvuka,silapha nje besiphelekezele Yena.Ezithethise izingane ethi ziqamba amanga kazithathe incwadi ziyise ekhehleni.Wayengzi umkhokheli ukuthi uShembe ungu-Omnipresent. Ngesikhathi seNkosi iLanga:kwasuka izinduna zenkosi uMdibanisa Dlamini zaya eNhlangakazi ziyobikela uShembe(J.G),ukuthi inkosi yabo iboshiwe ,ngoba yabamba owesifazane wayo oqotsheni,yathatha isikhuni yamshisa wafa.Zalubika loludaba.UShembe wathi kuzo ‘nize nizobikela mina nje ngilijaji yini Mina?’Zathi wena Nkosi Uyijaji lasezulwini.Wathi kulungile ngizoya .UShembe kagibela moto,akasukanga Yena esiqu sakhe entabeni,kepha iNkosi uMdibanisi wabona uShembe engena ngembobo kakhiye ,wathi Mdibanisi,Mdibanisi ,kufike izinduna zakho kimi eNhlangakazi,lalela-ke ,namhla ngizoliqeda icala lakho.Nebala kabanjalo. Enkosini iNyanga yezulu,uMfundisi uHlatshwayo oshayela amabhasi asoPhongolo .Ibhasi laphelelwa ngamabhuleki emqanseni,walabe selisiphaphalaza.Bakhala abantu bememeza Bethi”Shembe,Shembe,Shembe”.Kwabonakala lapho uShembe(A.K) egijima eceleni kwebhasi ephethe isigqoko ngesandla,wayibuyisela emgwaqweni. Enkosi uThingolwennkosazana:kugula ugogo wami,ugogo Majola (wasekhaya elikhulu eVezunyawo,Osizweni).Wabe eseya kodokotela bemenze i-x-ray bthola ukuthi unesigaxa i-cervical cancer .Bese bemupha usuku okumele afike ngalo ezosihlinzwa.Ejike-ke eye ekhaya.Kuthi ngosuku okwakumele avuke ngalo aye esibhedlela,elele ebusuku kufike uShembe(M.V) ,azichaze “Mina nginguShembe ,Mina nginguNkulunkulu,Ngangikhona kwasemandulo,ngehlile ezulwini ukuba nginisindise,lalela mntanami Thina boShembe sesiyikhiphile lento ekuphethe ungabe usayakodokotela”Amazwi oThingo.Evuke ugogo etshele umndeni,beziphe ukuthi ugogo usesaba ukuyohlinzwa.Bemthathe beyise esibhedlela.Mabethi odokotela ku-x-ray isigaxa asisekho,bemangale manje,ngoba izithombe zakuqala zazitshengisa isigaxa,ezintsha do isigaxa.Bathi hhayi gogo phinda emuva.Ugogo wabuyela ekhaya esesindile esindiswe nguShembe,ofike kuye ngephupho,ugogo Majola akashunyayezwa ngumuntu kodwa kwafika uShembe kuye elele. Enkosi uNyazi lwezulu:Kuthi uma kubuywa eGospel inkosi yakwaDube bese iphuthuma eGibizisila,izolungiselela ukuza kweNkosi.Luthi uNyazi selungene eGibizisila , iphathwa ikhanda elibi,cha bese icela ukuya ekhaya.Okwathi uma isisekhaya kwaDube laqinisa lelikhanda,isizwa izibhobo ziphuma ngamehlo.Lwaselufika uNyazi lwezulu kuyo lwathi”Ndabezitha! Ngizwa abantu bathi ngiseGibizisila kangikho ,ngila ,ngalandela wena ngifuna ukuqeda lelikhanda.Mina nginguNkulunkulu Omlenzemunye Nosandlasinye,uma Ngikhulumile kangiphikiswa muntu,nalapho kufika khona iZwi lami elomuntu kalifiki.Namhlanje Ngizoliqeda lelikhanda,uzovuka kusasa ngolwesihlanu seliphelile”Nebala kwabanjalo,yaphila inkosi yakwaDube,yavuka yatshela uShembe(M.D) ukuthi usephilile. Ngabe nina niyaphikisana noJesu? Cha thina maNazaretha eqinisweni kasiphikisani neNkosi uJesu ,ngoba uJesu ungawakithi eNazaretha.Futhi kulotshiwe ukuthi izingubo zethu zamhlophe zagezwa egazini lemvana eyasifelayo enguJesu.Thina siphikisana nenkolo yobuKrestu eyakhiwa uJesu engasekho emhlabeni.Lapho kwakubonisa amadoda athile,nabhali ababesebebhala ngokubona kwabo.Siphikisa noJesu owabunjwa ngabantu bathi uzalwa ngezi-25 December,abathi iphasika lakhe lingoMarch/April futhi kulelo phasika ukuphuzwa i-wine kudliwe nesinkwa esinemvubelo.Abalandeli bokhona bathi ,abekho ngaphansi komthetho bangaphansi komusa.UJesu abazakhela bona udunyiswa bume.UnguThixo ongathotshwela muntu,ongaguqelwa.UJesu ongahlalanga wadla,waphuza nabantu bakhe,kepha bathi owabo uhla ezifube bamuzwa ngaphakathi.UJesu ngosuku lwangeSonto futhi odunyiselwa ezindlini ezakhiwe ngezandla zabantu.Ujesu wabantu anotho,uma uhlupheka uchakile,ungenalutho ubukelwa phansi emasontweni. Asimazi thina loJesu wabo,thina sazi uJesu oyiNkosi nomsindi,hhayi Lo wabo! References 1.The Man of heaven and His beautiful one’s of God :Liz Gunner(2004) 2. The Story of Shembe :Irving Beckem 3. Shembe hymns: B.Mthethwa,Carol 4.The bible in Zulu,first edition (1893):published by the Bible Society of South Africa. 5. Irving Beckem :The oral history of Nazareth Baptist Church read comments (3)On 27 May 2011 at 09:31 pm - Sabbath Stories - by smangaliso
Posted on: Thu, 05 Sep 2013 19:40:57 +0000
Trending Topics
Recently Viewed Topics
© 2015