Thiwa/Theiva kha wui otshot: ‘Theiva’ kaji mingpho makhangava wuivang Church nameplate sakashimitna, da Poumai union na phongshok haira Ukhrul, November 17:Thuikahai Saturday thang kachikatha media li Theiva kha wui ramnaobing kala church workers bingna khami phongkahai statement chili Poumai Naga Union na tharshok khami eina ngasoda hanghaira chia phongkahai pao chi khangwuina kala china yarui li pangapa ngasak kapai mang maningla Poumai Naga Union wui khamatha mission lila saza kapai leiya. Poumai Naga Union na mikashok statement akhali hithada hanga chia thuikahai November 9 thang Poumai Naga Union, Poumai Naga Students’ Union, Poumai Naga Women Union, Poumai Naga Baptist Association, Poumai Naga Catholic Union, 70 kha langda wuieina village chief/ chairmen/secretary, social leaders kala student’s activists zangserda delegates 300 shakhana PNU’s General Assembly li rangaruma kala athumna Thiwa kha li common worship service akha lungkhamina. Lairik china hangluiya kaje Thiwa village hi Poumai kha akhana kala hi 47-Karong A/C wui azingli Purul Block, Senapati District alungli khaleina chieina media bingna makhmashunga pao phongphapha majimara. Union hina hanga chia Church wui nameplate kala lungkui (monoliths stone) bingli ‘THEIVA’, kaji mingpho kapisanghaikasa chi hikatha aming makhalei wuivang eina shimitmi kahaina. Hikatha mingpho hi Paomai Naga wui thotrinchanli mangavamana, da lairik china hanga. “Ithumna Thiwa kha li vakazang wui ningrin chiya Poumai khawung bing wui ngachaili mashit-manomei khavai kala khokha samei khavaina, chithada sada phapmata khangarok eina Baptist Churches khani leikasa chi ara administration akha wui azingli Thiwa Baptist Church da akha ngasa haira 8th November thang Thiwa village li kapam General Assembly wui resolution chili Poumai Naga Union na nganingtitra kala Poumai community wui internal affairs hili ayar wuieina pang tharakasang chili ngashungra” da union hina hanga. (Herald Today)
Posted on: Tue, 18 Nov 2014 13:39:29 +0000
Trending Topics
Recently Viewed Topics
© 2015