Thlasikah hi chuan hunpui a awm a, a nghahhlelh loh theih lohva, hunpui pali zingah hi chuan kei zawng, fur hian ka lung zu tileng ber teh tlat a. Favang khua te chu a nuam e, han zin khawthawn nan pawh a tha. Nipui hun te pawh hi hun duhawm tak a ni meuh mai, C.Thuamluaian Mizo tawh phawt chu nipui hun ngaizawng tur hian min dawi a tawh a, mahse kei chu ka zei a dang leh thin. Kum khat chhunga hun nuam lo ber mai, thawmhnaw suk pawh a ro hleih theih loh hun, ramhnuai leh khawlai thlenga nal leh diaka a khah lai, kekawr khai chhinga ruah-hliap-kawr nen kan kal khau khau lai, chung van rial a rum dur dur lai leh trek a tlak dur dur lai, naupang chena nute kapkar an belh chawn chawn lai hian ka lung zu leng ta dah thin a! Ruah mual liam a han sur buan buan a, kar lovah a han han duak a, mual lehlama hnim hring te a han thar sut mai a, tlai nemah ni haw lam a han eng sur a, kawlkilah rangkachak luan ni mai awmin chhum hlawm a han kap eng phut a, chutih hunah chuan lei hian a hlim hmel min hmuh thinin ka hria a. Chutih hunah chuan, a ni, chutih hunah ngei chuan he thingtlang tlangval lung hi zu leng ta vawng vawng thin a!!
Posted on: Sat, 30 Nov 2013 10:05:19 +0000
Recently Viewed Topics
© 2015