Thunget Ding: Effort vai Kongit Pawlpi mi a kuamah peuh, Dam tek dingin kong deih bawl hi. Ko kiang, Maesot ah za hal a kipan guah zu pen, tu ni dong theu siang nai lo hi. Khuasung teng kipai thei lo in, Supermarket te, Zato te ah tui vung cip hi. An nek ding nei lo, nek tawm zong pawl khat om hi.Sangte zong ki khak in, khuasung lampi pen, tui khuk ciangciang pha in ngap a kul hi. Kumpi in Thursday ni dong guah zu ding ci lailai uh. "Europe For Jesus" gospel team pen, a beisa kum te ah zong, hih Maesot ah ong pai zel hi. Tu kum zong August 1-10 dong effort mun 4 ah bawl dingin ong pai ding uh hi. Maesot khua sung lian ah, Maesot SDA biakinn ah mun khat leh, Kapibant sang ah mun khat hi ding hi. Maesot SDA biakinn ah pen, pawlpi mi tam zaw ding hi. Kapibant sanginn ah bel, migrant tampi om a, nung April sungin zong Sia Khengo in effort ong bawl ngei zo hi. Kawl mi Milim bia vive hi zaw uh hi. A tanu, tapa te sang koih uh a, tua sang siksan in ki bawl ding ahi hi. Sabbath ni sial (Maesot ka om nak leh) in, kei mahmah makai a, Sabbath School naupang ka pantah uh hi. Khuahun siat teng ka lung uh himawh hi. Ong pai sun te zong, naupang bebek ahih loh nang leh, ih thugen te a sang theih nang un, thungetna ah ong phawk tek un. Kha Siangtho in na asep theih na mun ahih ding ong phawk un.
Posted on: Thu, 01 Aug 2013 00:23:16 +0000