Thursday 15/1/2015 Todays Word Ezekiel 3:24 24. Hindi io Roho wa Ngai akindonya thiini nake agicoka akindugamia na maguru nake akiaria na nii akinjira atiri. thii ukehingire gwaku nyumba. Kwahota gukorwo haria ukinyite uraigua ni wonjete biu, na mundu onjete ndahotaga kurugama, gutiri mundu umuroragia, gutiri mundu umwendaga kana umuririkanaga tiga Ngai, onekaga ari kigio hari andu na gutiri undu angiuga woywo na uritu tondu ni mwonju, muturire waku no ukorwo ni wonjete, mucie waku haria ukinyite ni guthira urathira, warora muthuri waku hindi ciothe no kumomora aramomora mucie, wita mutumia wageria gucokereria gutiri undu uroka, utuikite kimene itura riothe nginya aria muciaraniirwo nao matikuonaga ta wimundu tondu niwathinire, no ke ngwire umuthi Roho wa Ngai warikia gutonya thinie waku kiria giothe kirakuite ni gigucoka muoyo, nikurugamia maguru maku ringi wihande gukira kiambiriria, niwe utiragirira aria maragua na akainamura ngoro iria nyinamu, andu anyu na arata no magutige no nihari uria utangigutiga na niwe Ngai wa isiraeli, thina waku ndumuiragia ngoro ona kwaga gwaku kwa muthuri wagukuhikia kana mutumia ungihikia gutimugiaga hakiri tondu niowi ihinda riakinya niegukurathima, akwerekera ona aria marakuonaga wi kigio nio magagwithaga...Ngai witu ni wama, ni mutheru na ni mwihokeku..mwihoke tu. Rathimwo na ugie na muthenya mwega
Posted on: Thu, 15 Jan 2015 03:23:02 +0000
Trending Topics
Recently Viewed Topics
© 2015