Title: Bie ng Lilay Scene: Year 1950’s Character: Leonila S. Dizon Alyas Lilay Anak ng Tatang Moises ampong Imang Berang Pangadua kung pangane kareng walong mekakapatad.Tinuknang kami kanita keng compound na ning pisamban maragul, lele kumbentu. Uling y tata ku yang munisilyus at katiwala keng king pisamban Sto. Rosario. Memuli ku kang tata kung Moises na byasang maglutu. Akagisnan ku namu na dakal ya parating lulutung ulam, aliwa mu kasi ikaming pamilya na ing pakanan na pati reng kamag anak na halus inampun dana reng pengari ku. Ali man marangya ing bie mi kanita, pero miraraus kami, uling simpli mu ing kabyayan… kasi saup-saup, tiru dakeng migtiis, at LUGUD keng kapua ing akaragulan mi. Aliwa man aku ing pangane uling mayna ya pusu y atching Orang, aku ing pinaka kasaup ng Ima at tatang keng kabyayan. Ginamit ku ing kaliksyan na ning katawan ku. At uling aku ing pinakamaabilidad karing mikakapatad, kaibat ng meglutung pagtuan tata ku kanita, lungub naku kusina, maglutu nakung kapangan. At penandit mu kanita dattang ne ing pinsan kung Atching Atring na pemuladas ku uling iya ing masikan a bosis. Iya ing papanguliakan ku keng dalan. Uling aku agad kung milalako bosis patche gugulyak ku. Mamustura naku ustu kanita, bitbitan at puntukan ku na ing paninda. Akung mag-akit kareng manyali. Lugud na ning GINU apapagisan mi ngan ing paninda. Ing kapanakitan keng aldoldo, intriga kula kanita kareng mangatwa… para apagaral dala reng lalaking kapatad. Uling kanita ilang dapat mangayari keng pamagaral para ilang makapag salba keng pamilya kayari da keng pamagaral. Sane keng obra … sane keng kasakitan pero Masaya. Pero ali ku leko ing mengarap na mika sarili kung pamilya mu rin, at maging marangya la bie reng maging anak ku. Ngeni walu nala naman reng anak ku, y Berto ing asawa ku. Dati yang photograper da reng canu, keng Clark Air Base kanita. Tutu yang masanting a lalaki at mayap a tau. Inisip ku kanita uling malapit ya kareng canu, na dattang ing aldo, miras kami America reng anak ku. Metung a aldo ot mebigla ku kabud nya meg-resign keng obra na keng kilub at tinagal yang kapitan del baryo keng lugar mi… MITDA ya ing pangarap ng Lilay. Menyambut ya! At uling mapusu yang talaga meg Konsehal ya pang atlung term. At meging bisi- alkalde yang atlung term mu rin. At e bitasang mesambut, uling malugud yang tutu. Politika! Yan ing talwi keng listahan na ning bie ku sana… pero chu naku keni, nanung dapat kung gawan? Tutu pin malinis yang manungkulan, uling ita ing dapat. Pero Kabyayan da reng anak mi ing masasakripisyu, kasi pelalung kapurangit a suweldu na mirararas ka reng taung sosopan na. Minisip kung aliwang kabyayan mi para apayari ku na laman deng anak mi keng pamagaral da. Menalakad kung beauty shop. Inagkat keng sumosyu ing dara ng makwaltang Berto, iya ing capitalista aku ing magobra. Deng buwak da reng makalunus kung kapatad a babae reng pengalikut ku dyang masakit keng lub da, ikwa kung apanguyad deng mangakaba dang buwak anya mebiyasa kung hustu. Pero mika obra la ngan deng kaputul ku, uling ilang meging kasaup ku. Bilib la kanaku deng costumer ming canu, meging sikat kami karela. Reng canu, tutu la matakut kareng kutu, isara de ing buong iskwela dyang metung yang istudyante ing meka kutu. Idala do ngan kanaku uli pin bilib la. Oyni ing sikreto, aliyu panyabyan ne, kaskasan kulang gaas reng karelang anit at balutan kulang aduang minutu deng buwak da. Dolyar ing babayad da kanaku, e kayu bileb? Keng kapibabatan, kasipagan at kapanaligan keng mayap a Ginu, keng kilub namu ning aduang banwa meging pitu la reng branch na ning beauty shop mi. At Uling ali ya sapat ing suweldu ng Berto keng Gobyernu pati kapanakitan keng negosyu panyaup na kareng madla. Nanu keng palage u mekuwalta ya pa y Lilay?
Posted on: Mon, 02 Sep 2013 06:28:15 +0000
Trending Topics
Recently Viewed Topics
© 2015