Tomboy na tulak ng droga, arestado sa CamNorte, 27k shabu, narekober 16 July 2013 NAGA CITY – Dagos nang nahulog sa kamot kan mga otoridad an sarong tomboy na saro sa mga target list na bistadong drug personalities sa rehiyon nin Bicol. Binisto an suspetsado na si Aileen Deleños, 41 anyos asin residente kan Barangay Poblacion Norte sa Paracale, Camarines Norte. Sa nakuang impormasyon kan Bombo Radyo Naga, napag-araman na inarestar an suspetsado sa kusog kan search warrant ni Executive Judge Roberto Escaro kan RTC branch 38 sa Daet Camarines Norte. Narekober mismo kan mga otoridad sa dinadagusan kaining harong an 35 plastic sachet na may lamang kinakarkulong 6.5 gramo nin pinagtutubodang shabu na nagkakantidad P27,000. Kasong pagbalgar sa RA 9165 o Anti- dangerous drug act an kinakahampang ngunyan ni Deleños. Via brbikol padangat
Posted on: Tue, 16 Jul 2013 14:44:28 +0000