Torino Di Lucca Nota pa Mike Eman. Sr. Mike Eman, Mi kier bo atencion pa lo siguiente. Awe nochi mi a mira e noticiero di AVP na ATV y mi a sigi bo presentacion encuanto e troonrede di Rey Willem Alexander. Na cierto momento Mike Eman, bo ta dicidi di bai over na tuma credito di e troonrede pabo persona. Nos, ( mayoria di e pueblo di Aruba cu suficiente educasion) ta suficiente na haltura cu ta e Rey mes ta prepara su discurso riba cierto indicacionan cu e ta hanja for di e Gabinete Hulandes. Abo Mike Eman diripiente, cu un smile cu ta reda bo mes, cu bo kier tuma e pueblo educa di Aruba pa p……., bo ta bisa cu bo ta orguyoso cu Rey Willem Alexander a hinca bo pensamento personal den su Troonrede. Wel Mike Eman, tin un cos cu mi ta obliga di bisabo hopi duidelijk; Mike Eman bo ta sufriendo di “Hoog Waaanzin”. Abo cu semper a papia Hulandes na cas sa hopi bon kiko esaki ta. Pa e pueblo mi kier traduci esaki criyoyamente di e sigueinte forma. “ Mike Eman ta bou di e impresion ( sonjando ) cu e ta consehero personal di Willem Alexander . Of e ta kere cu e ta mentor di Rey Willem Alexander ? Bso ta kere cu Rey Willem Alexander a jama Mike Eman siman pasa pa puntrele kiko e tin cu hinca den su troonrede? Cu e smile cu Mike Eman a trece dilanti na ATV ta hopi duidelijk cu ta intencionalmente e kier tuma e Pueblo di Aruba hasi P…… Pueblo, si bo ta alcanza di mira e repetision awe nochi di e Noticiero na ATV hasi esaki. Esnan cu por grabe por fabor hasiele, pa hende por mire e estupidez desplega pa Mike Eman. Mike Eman por fabor, ni EMCO y ni e gobierno di Aruba bo no por a maneha manera debe ser. Awor bo kier bisami cu Rey Willem Alexander ta consultabo pa su troonrede y tuma bo pensamento personal den su troon rede? Algo mester ta los den bo cabez, sorry cu mi ta perde respet pabo, per obo mes ta pidimi pa tratabo asina. Pueblo educa di Aruba, tin algo hopi robez ta sosodiendo cu e lider di AVP. Tristo pero berdad. Con e otro candidatonan riba lista di AVP por convencemi ainda pa vota pa un partido cu ta ser maneha pa un lider cu mentalmente no tan a ordu ??
Posted on: Wed, 18 Sep 2013 06:03:08 +0000
Trending Topics
Recently Viewed Topics
© 2015