Tukin zing ni 31.10.2014(fri) khan Azawl Govt. College, Literature Club te chu Sahlam leh Mizoram Lungphun sang enpui anni a, hun a chep em avangin hmun dang tlawh hman a ni ta lova,Theire puk(Bawlpute inthawina) pawh a thu chauhin an en ta a ni. Lungphun sang hi khawl hmang lo leh mihring thaa tundinah chuan mak an ti hle a, a chanchin a hruatute an zawt uluk hle. Sahlamah hian thla an la nasa hle a, guide ten an thiam ang tawkin a chanchin an sawifiah bawk a, milu lem khai lai chu la thlain, thla lakpui hmasak an inchuh thul. Sahlam hmuna Lung milem pawh an zir uluk hle. Tukthuan eikham chuan Chawngtlai khaw chung lam, Vengpuiah an kalna City Bus nen chhovin, Pasaltha Hranghleia fanu, Pi Hmingliani kum 96 an kawm a, an kil laih laih a, pawisa an pe sap sap a, a chenna In ngeiah Hranghleia te chhungkùa thlalak chu thla an lak pui a, an la sek a, nuam an ti hle. Chawngtlai Historical Village Committee ten an Welcome danah an fak thiamin, an lawm thiam hle a, zan riah leh pawh an sawi thut thut laiin,an eitur ken ten a daih mawlh tawh si lo a, hmun dangte fan leh chak hle mahse, kham lo takin dar 11:00 a.m. khan Aizawl pan tur leh haw paha Tamdil tlawh turin an in Bye-Bye ta a ni. Govt. Aizawl College, Literature Clu te chungah Mizo Historical Village -Chawngtlai group chuan a taka sum leh pai tam tak leh hun leh tha senga Chawngtlai an tlawh avangin lawmthu kan sawi takzet e....
Posted on: Fri, 31 Oct 2014 14:14:23 +0000
Trending Topics
Recently Viewed Topics
© 2015