Tulaai Leitung Thuthang tuamtuam Updates August 7, 2013 • Kawlgam kumpi te in kumcinglo gaalkaap naupang (68) 8-7-13 ni in lam etngamlohpipi in khahkhia leuleu uh a hih akhahkhiatna hang in kinuam mahmah hi ciin UN te in 8-7-13 mah in thupulaakna nei uhhi. • Kawlgamsung muntuamtuam ah 8888 phawkna pawipi August 6-8 sung nasiatak kibawlciat a, adiak in ninihna ahi 8-7-13 ni a Yangon khuapi a kibawl 8888 phawkna pawipi ah kumpi lampan U Aung Myint leh U Ong Myint te vakihel in kawlsum Saang 15 vapiakhia uhhi. • Kawlgam sung a Mualtung minamkee te kigawmkhopna Federal Union Party thak liklek in August kha sung in kumpitung ah kipsakna ngentading hi ci in makaai U Saw Than Myint in 8/7/13 ni in genkhia hi. • Kawlgamsung a lokho mite huutnading thukhun thak liklek khat tuni 8-7-13 ni a kibawl Pituh Hlut daw khawmpi ah kipsakna nei ta uhhi. • Asian gam kipawlkhopna peen ongtungding August 8 niciang kum 46 cingtading ahihman in kum 46 cinna lungdampihna leh kam vaaikhakna laai President Obama leh John Kerry te in kigawmkhawm in 8/7/13 ni in puak uhhi. • Thailand gam ah thuneihna akilaaksak Thaksin Shinawatra leh Ama hang a thongkia te khantawn zaleenna piaknading Hlutdaw ah kikum uh ahihman in mipi lungphona August 7 pan Bangkok khuapisung ah nasiatak in piang hi. • Gaalpi nihna khitzawh alianpenpen Tembawpi Japan gamte in 8-6-13 ni in bawl zawhnapawipi khaam ziahziah uhhi. Tembaw pi peen pi 820 sau in helicopters 14 puathei a $1.2 billion sum bei hi ciin Japan thuneite in taangkokhia uhhi. • Iran gam kiteelna thak ah gualzawhna angah ahi President Hassan Rouhani in Nuclear vaaitawh kisai in leitungbup tawh thudamtak in kakikumnuam hi ci in 8/6/13 ni in taangpi taangta zaakding genkhia ngawngaw sam hi. • Argentina gam ah alianpeen thum na leh mipi 1.2 million ateenna ahi Rosario Khuapi sung a om Mitenna Innpi khat adawl nuai peen pan 8-6-13 ni in Gas kehkhia in puak Kham ahihman in mi 12 si in 60 Liam hi. • South America gampan USA ah Vankham nawnna lampi a kizang Honduras gam sung La Mosquitia ah 8-6-13 Ni in vankham seem migilo pawl leh Palik te kibingphut in kikap ngekngek uh a migilo 17 si ci in Honduras Deputy thunei ten genkhia hi. • Pakistan gam Karachi khuapi Tukpeeng kimawl na tualsungkhat ah 8-6-13 Ni Zan in migilo ten bomb na siah ahihman in lam etlohpi in puakkham a mi 11 sipah in 24 Liam hi ci in Pakistan Palik ten genkhia uhhi. • Nuclear van aneituak Pakistan gam leh India gam mih te kikaal Kashmir ah Pakistan Gaalkaapte simna hang in 8-6-13 India gaal Kaap 5 asihkhitciang 8-7-13 Ni in gamnih Thau tang kilawtkheel uh a , Pakistan paltan nih nasia tak Liam Ci in Pakistan thunei ten pulaak khia uhhi. • Kenyan gam Nairobi Khuapi sung a om JKIA -Jomo Kenyatta International Airport sung Arrival Hall pi 8-7-13 ni in nasia tak mei kaang in meikhu in tuamcip ahihman in JKIA kikhaakcip phot ci in KAA - Kenyan Airport Authority ten taangkokhia uhhi • Japan gam I meithapiakna Lian mahmah khat ahi Fukushima Nuclear Plan pan nikhat in Tui nin Ton 300 Ta keh in luang khia ahihman in nawh tak a endik ding in Japan PM Shinzo Abe in 8-7-13 Ni in thupia hi. Tuaban ah Japan gam nitumna lam ah 5.8 Magnitude ahaat Zin 8-6-13 Ni in Liing sawnsawn ahihman mipi patau mahmah hi. • Syria gam Damascus Khuapi kiang ah 8-7-13 Ni in Syria gaalkaap te in Syria Kumpi langpang Tapong te na Ambush uh ahihman in Kumpi langpang tapong 62 sihkhat in si hi ci in Syria tual gaal encik pawl in taangkokhia uhhi. • USA gam ah Bank minthang vangvang khat ahi Bank of America ten $850 million apakhah khialhnahaang in US Kumpi ten North Carolina state ah 8-5-13 Nipan thubawl kipan uhhi. Bank of America zang ten pilvaanding Kisam hi. • Sak le Khang kilem Lohna hang a kikhaakcip Korea sak le khang neihkhop nasepna Kaesong Complex hong kik tading in athukimna uh N Korea te in 8-7-13 Ni taangko na leh kamciam Piak taktak na neita uhhi. 6 vei vilvel sak le khang akiho khit uhciang hibang thukimna ongpiang thei pan ahihi. • USA gam Newburg leh Missouri state sungteng ah guah nasiatak in Zu in Tuikhang ding ahihman in mipi Vaak suk vaaktoh na ah kidawm Siam ding in NWS - national weather service te in 8-7-13 Ni in taangkokhia uhhi. Zomi te hi naai Huai ah aomkha I om leh khuadaakdan Siam ciat Ni ei • Laaimal kikhialkha a omkhaak aleh ngaihdam bawm ah ongna khiatsak un cin kongthuum hi. Zomitv na hawh hamtang ve Zomipau
Posted on: Wed, 07 Aug 2013 18:50:40 +0000
Trending Topics
Recently Viewed Topics
© 2015