Tulaai Leitung Thuthang tuamtuam Updates July 5, 2013 • Kawlgam,sung Shan state sung a kibusa Mualtungmi thautawi kipawlnakhat ahi O minam kipawlna UWSA te leh Kawlgam kumpi kilemna bawlpawl 7/5/13 ni in kilemnathu kikumding in Kumpi lampan heel uh himahleh UWSA lampan tawlkhat kiholohphotding in nial uhhi. • Ongtungding July 10 niciang in Australia Foreign minister Bob Carr kawlgam ninih sung taam in ongzinding a U Thein Sein ,Daw Aung San Suu Kyi leh kawlgamsung a sumzon sumzuakna makaaite tawh kimuding hi ci in 7/5/13 ni in AU Foreign Dep te in genkhia uhhi. • Kawlgamsung ah phone zuaktheihnading a kumpite kidemsakna ah gualzawhna angah ahi Qatar gamte neihsa Ooredoo phone company te in Kawlgamsung ading in $15 billion tawh sumbawl kipanding hi ung ci in 7/5/13 ni a Yangon khuapi a kibawl Ooredoo company khawmpi ah Mr. Nicklas Sweirzy in genkhia hi. • Kawlgamsung Pituh Hlutdaw pan 7/4/13 ni a ahaampi thukimna abawl uh Thuthang tawh kisai thukhunpi tawh kisai in kawlgam Media Council te in athukimlohna uh leh hih thukhunpi kipsakna taktak aneihlohnading un 7/5/13 ni in Hlut daw makaaipi tung ah laaiphah uhhi. • Bolivia gam La Paz a om American gam I palaaizumpi khakcipding in Bolivia President Evo Morales in Hlutdaw ah ngetna 7/5/13 ni in bawl hi. 7/2/13 ni in Bolivia President Evo Morales tuanna vaanleeng tung ah US gam kumpi thusim pholaakkhia Edward Snowden tuangkhading hi cih upmawh na tawh atuanna vaanleeng Austria gam ah thukin in kitusakziau in nai 4 sung kisit ahihman in USA tung ah akhasia mahmah ahihi. • Egypt gam I president Mohamed Morsi Gaalkaap in athuneihna alaakkhiat khitciang 7/5/13 ni in Khuasung khuapua ah Morsi adeih mipite in nasiatak in lungphona nei uh a gaalhiamte tawi in gaalkaap te tawh akimuhmuhna uh ah kisual ziahziah uh ahihman mi 5 si ta hi. • July 4,2013 USA gam I suahtaakni in Pennsylvania state Lancaster City aom innkhat kaangtum in inn sung a teeng mi 12 sungpan 6 taaiman in 6 kaanglum uhhi. • Tawlkhat sung akikhawlcip Korea sak le khang I neihkhop Kaesong complex tawh kisai in honkikding in N Korea te in 7/4/13 ni in thukimna neita uhhi. Thu kikupna peen Kaesong complex sung N Korea lampang ah 7/5/13 nitaak nai 9 ah kipanding uhhi. • Vatican khuapi sung aom The Roman Catholic Church te in Pope John Paul II Tudawsin gaalhaangpa icidiam cihza pia hi ci in taangkokhia uh a Pope Francis in suaikaihna nei hi. Pope John Paul II peen 1978 pan 2005 asihdong Pope seem a hihman in hih minphatna akipia hi a RC Pope lak ah asawiveiseempeen 3 na ahihi. • Zomi,Zogam I neihsa vangilkhat ahi Guullu mual sahang kamsung atunding deihlohna hang in WZC makaihnatawh USA ,Australia gamte ah Zomi gaalhaang te in lungphona nasiatak in neikhinzo uh a, India gam Delhi a om Zomi te in 7/9/13 awngziahziah ding in phalna ngahkhinta uhhi. • Mexico gam I khuapi Mexico khuapi pan tai 50 kigamlaatna aom Popocatepetl volcano meimual paukkhamding in kithawi ahihman in US te neihsa Delta, American Airlines, Alaska Airlines leh Spirit Airlines te in Mexico gam aleengding kheempeuh 7/4/13 nipan khawlsak mang uhhi. • USA gam sumzon sumzuakna lam damdam in ongkahtotektek ta a June kha sung bekbek in nasep thak 195,000 kibehlap in US gamsung a om nasepneilo 7.6% te ading in nasepding kihahkatsan hi ci in US sumzon sumviahna lam vaaipua uliante in 7/5/13 ni in pulaakhia uhhi. • Kansas City ah ateng, Tang Thang Teu ( Sezang khua, Singer Lun San te ii, a cousin ) pen zanni in Kansas City ah aom, Zomi khangno honpi khat tawh Beach ah va pai uh a, tui va gap uh hi. A vek un tui gap in ki mawl uh a, a ciah ding uh teh Thang Teu aom lo lam thei pan uh hi. Gun gei ah akhedap leh amit limlang a om lai mu uh a, tua teh, Police te ko uh hi. Police te in Zan thapaai in zong uh a, tu dong aluang ki mu nai lo hi. Zomitv na hawh hamtang ve Zom toto ni ee Laaimal kikhialkha aomkhaak aleh ngaihdambawm ah maw Zomipau
Posted on: Fri, 05 Jul 2013 20:59:06 +0000
Trending Topics
Recently Viewed Topics
© 2015