Tulaai Leitung thuthang tuamtuam updates July 1, 2013 • Kawlgamsung Rakhaing state Tantwai khua ah 6/30/13 ni in mipi buaina khat piangleuleu a , hihbuaina hang in inn 2 leh mawtaw khat kihaaltum hi. Hih buaina apiangsakdinga upmawh mi 2 te 7/1/13 ni in Kumpi te in man uh a nitaak nai 7 pan zing nai 4 dong kuamah puasuaktheilo thukhun 144 kumpiten taangkopah uhhi. • Kawlgamsung kiteelpi 2015 ah PR kici metaang kimhawm na tawh kiteelna zathuaimaw zathuailo ci a NLD te thupuaktawh kisai in 7/1/13 ni in Pituh Hlutdaw in kikupvetlohding in hemkhia uhhi. • Kawlgamsung Yangon khuapi sung a om Dagon University sung ah akineisa ahi sangnaupang kipawlna makaaiding mi 9te 7/1/13 ni in sanghuansung ah kiteelna abawl uhleh Sangsiapipa,Sangsiate pai in sanghuangsung ah bawl kei un ci in kham uhhi. • American,China,Japan leh S Korea gam 4 te in Korea tuikulh peen Nuclear tawh akigamla munsiang asuahtheinading in upna muannakip nei ci in US secretary of state John Kerry in China gampualam vaaisai (Wang Yi) tawh akimuhkhit ciang Brunei gam Asian-American gampua palaaikhawmpi ah 7/1/13 ni in genkhia hi. • Egypt gam ah President (Mohamed Morsi) a akumpi tomkhom pan 7/2/13 ni atuahnading in gambup ah 7/1/13 ni in mipi in nasiatak in lungphona nei uh a, President (Mohamed Morsi ) in lungphona aneite leh aneihna uh ahang nai 48 sung in akankhiading in amuan politicians te thupia hi. • USA gam I President Barack Obama in Africa gam akhualzin mahialna Tanzania gam ah 7/1/13 ni in tungta a , Tanzania President (Jakaya Kikwete) leh Ulian te in Dar es Salaam vaanleeng tualpi ah ngeina laam lasakna te tawh nadawn ngengngang uh a mipi zong tulsawmvaal asim in dawn uhhi. • China gam nitumna lam Xinjiang state sung ah minamkee khat le khat kikaal buaina hang in 7/1/1 ni 37 si a misi vekpi 200 vaalta ahihman in China kumpi te in nai 24 sung gaalkaapten cingcipsakding in 7/1/13 ni in thupia uhhi. • USA gam Arizona state sung ah gam acre 6,000 6/30/12 ni in nasiatak in kaang a meikaang aphelh meiphelh gaalhaang mi 19 te mei inkaangtum hi. Hih bang a meiphelh gaalhaangte alom a akatlup peen 911 zawh akhatveina ahihman in President Obama in zong lungzuanpihna laaipi puak hi. • S Africa President luui , Nobel Peace Prize Nelson Mandela ni 22 sung alupna zato ah a innkuanpihte 6/30/13 ni in vahawh uh a, nagimsim ahihman in Nelson Mandela nuntaakna Topa khutsungbek ah om ta hi ci in tuikia cimawh nui cihbang in genkhia uhhi. • Pakistan gam Shite Muslim te kiphualna Hazara Town sung ah 6/30/13 ni in Sunni Muslim hiamgamp pawl in bomb puakkhamsak uh a mi 47 si in 90 liam uhhi. • China gam khanglam Sichuan province I khuapi Chengdu ah leitung a agolpeen innpi khat June 28 ni in kihongkhinzo hi ci in China Oficial te in 7/1/13 ni in pulaakkhia uhhi. Hih innpi peen akilamdaan tumdang a azaina Meter 400, asauna meter 500 leh meter 100 sang a Pentagon sang in azahthum in lianzaw hi ci hi. • Croatia gamte in kumtampi ahanciam khit uhciang 7/1/13 ni in EU kici European Union sung ah meemberthak hihna ngahtaktak ta uhhi. Croatia te EU sung ah a 28 na member hi uh a EU President Herman Van Rompuy in amuahnathu pulaakkhia hi. Zomitv na hawh hamtang ve Zom toto ni ee Laaimal kikhialkha aomkhaak aleh ngaihdambawm ah maw Zomipau
Posted on: Mon, 01 Jul 2013 18:41:59 +0000
Trending Topics
Recently Viewed Topics
© 2015