Tulaai Leitung thuthang tuamtuam updates June 28, 2013 • Kawlgamsung Mualtungmi namkee thautawi pawl lak ah khat ahi KIA/O leh Kawlgam gaalkaapte Shan state saklam Phaikawng khuagei ah 6/27/13 nipan 6/28/13 zingsangdong nasiatak in kikaap uh a, asi aliam kuamah kitheinaailo hi. • Kawlgamsung ah mikhat le khat kikaal, biakna nam khat le khat kikaal kimuhdahna apiangsakthei thute daaltheihnading in Preventing Hate Speech in Myanmar cih thulutawh Yangon khuapi sung ah khawmpikhat kibawl a, tuamun ah USA Ambassador Derek Mitchell , Kawlgamsung thukizaakna zalian U Ye Thut leh Biakna lian 4 pan makaaite kihel uhhi. • Bangladesh gam te in agamsung a naseemte ahuutdingzah in ahuutlohna hang in Bangladesh gam leh American gam sumzuak sumleina aciangtan omlo in kidinkhawlphot hi ci in 6/28/13 ni in Inn kaangpi pan taangkokhia uhhi. • USA President Obama Africa gamthum khualzinna amunihna S Africa gam 6/28/13 ni in tungta a, Senegal gampan apaikhiat in ni 21 sung zatolum S Africa president luui Nelson Mandela tawh kimukhading in kilam en lo himah leh kimutheiding ahihman in alungdamna genkhia hi. Akhualzinna valeengtung ah thukante maanziahding Obama utlo cisese laai hi. • Pope Francis in Vatican sung sumsazian nasitak in sitding in 6/26/13 ni in thu apiaknatawh kizui in Vatican sung sum sazian sittelna akineihna ah sum lam ah naseem Monsignor Nunzio Scarano kum 61 leh minih sum $26m; £17m thumanlopi a zatsawmna hang in 6/28/13 ni in kiman hi. • EU gam te in Serbia gamtawh kihokik ding in thukimna neitahi ci in European Council President Herman Van Rompuy in 6/28/13 ni in genkhia hi. Langnih kihona peen January kha 2014 pan kipanding hi ci in genbeh hi. • Amulkim huai mahmah neih kibang pumkhatsuahna in Asia gamsung lam itheih lohkaal in ongnehsemseem ta a, a up mawhhuai khollo Chinna gam ah neihkibang pumkhatsuahding adeih mipi te in 6/28/13 ni in lamdung lamvaai ah lungphona nei ngeingai uhhi. • Egypt gam Muslim Brotherhood te zumpi 6/28/13 ni in migilo te in dogawp uh a mi 4 si in 70 liam uhhi. President Mohamed Morsy, in Muslim Brotherhood zumpi ah mun alaak akumkhat cinni lian a hibang tuahsiatna athuak uh hi sese hi. • USA gam I kumpi thusim apholaakkhia Edward Snowden pa Edward J. Snowden in atapa USA gam ah thukhenthuakding in nang le nang in ongciahkiklel in ci in kasamding ci in USA thuneite tung ah 6/28/13 ni in alunggulhna pulaakkhia hi. • Tawl khat sung akinuak dide Japan leh S Korea kihokik theihnading in July kaalmasa maaikaal sung ah mai tang ki tuah in Japanese Foreign Minister Fumio Kishida leh S Korea lam ulian te kimukhawmding hi ci in 6/28/13 ni in Fumio Kishida in genkhia hi. • Zomi, Zogam I ineihlian peen leh ineihsunsun ahi Gullu Mual sahang kamsung atunding deihlohnatawh, Leitungbup a om Zomi aveikheempeuh in Kawlgam palaaizumpi maai ah 6/30/13 ni in lungphona kineiding a 6/28/13 ni in USA gam Washington khuapi a om Kawlgam palaaizumpi ah minam, neihsa it Zomi 20 vaal in lungphona neikhinzo uhhi. Zomitv na hawh hamtang ve Zom toto ni ee Laaimal kikhialkha aomkhaak aleh ngaihdambawm ah maw Zomipau
Posted on: Fri, 28 Jun 2013 20:20:01 +0000
Trending Topics
Recently Viewed Topics
© 2015