UM PASSEIO PUR PALAÇUOLO Un passeio por Palaçuolo Para ber la sue beleza Mas passear pul termo Tamien ye ua riqueza Salie ribeirica abaixo Pul roteiro que you tracei Bi la fraga de la Moura I a la slombra çcansei Segui puli abaixo Mais parcie un figuron I fui you a passar Al Molino de Carbon Só çcansei un nadica I Nien percisei de lhetreiro Para ancuntrar l camino Para ir al passadeiro Depuis fui por Bal Pereiro Passei puls furnadales I fui a Peinha Senara Çcansar ls mius males. Chapucei-me na çuda Para refrescar ls neurones I fui Ribeira arriba Lhembrando outras oucasiones Segui anton mie biaige Cun cabeça refrescada Meti-me puls lhapadeiros I fui até la cabada Chubie al alto de las gralhas Dei buonas tardes a Alacon I birei-me pa l outro lhado Para cumprimentar Fuonte Lhadon Anton scuitei ua boç, Quien me stá a chamar? Ben depriessa a la Fábrica Que la huorta se stá afuogar Cuorri a todo l bapor Pul meio daquel monte Mas quando alhá cheguei Yá iba todo de mar a monte. Só parei un cachico Para ber aquel fiasco Fui pur Bal dos freiros Até al alto de l carrasco Depuis pur Bal Zenizio Passei puls nagonalhos Puis yá muito tiempo Que nun staba naquels lhados Passei puls spereiros Dei cuorda a las mies patas I fui pur Bal la Ruodra Até la fuonte de las lhatas Querie you buer auga Puis yá staba cançado Só antón me dei de cuonta Que yá la tenien sbarrulhado. José António Esteves
Posted on: Thu, 04 Jul 2013 10:15:08 +0000
Trending Topics
Recently Viewed Topics
© 2015