Un Iglesia iluminá I ku for di infansia bo a konosé e Skrituranan santu, kualnan por dunabo e sabiduria ku ta hiba salbashon pa medio di fe. 2 Timoteo 3:15. Señor no por uza hòmbernan i muhénan den Su servisio, den kualke ramo di Su obra, a ménos ku nan ta poseé un spiritu mansu i habri pa siña. Esnan ku Dios ta empleá den Su servisio mester ta leal na prinsipio, pero, miéntras ku nan no mester kambia di e kaminda liber di deber pa kualke interes egoista, nan no mester ta intolerante i hinchá ku estima propio. A ménos ku e kurason ta den konekshon ku e fuente di sabiduria, lo no tin un sentido permanente di e santidat di e trabou. Trahadónan pa Kristu mester derivá hinter nan bida i inspirashonnan for di Dios. Nan mester buska pa ta konforme ku Su boluntat i Su kamindanan, i no buska pa tin nan mes boluntat i kaminda. Esnan ku lo bira un kanal bibu di lus mester ser goberná pa algu mas ku kustumber òf opinion. Nan mester biba kada ora den komunion konsiente ku Dios. Nan bidanan mester wòrdu tresé den kontakto ku e prinsipionan di bèrdat i hustisia. Nan mester bira partisipantenan di naturalesa divino. E sirbidó di Dios mester ta kontinuamente buskando pa poder intelektual, i tur atkisishon di e mente mester ta devoto pa glorifiká Dios. Nos mester tin konseptonan amplio di kiko e rekerimentunan di Dios ta pa Su pueblo. . . . Nos no mester ta kontentu ku kualke kos, ménos ku e iluminashon divino di e lus sentral di e universo. Ora ku nos tin e iluminashon aki, nos lo mira e nesesidat di pusha padilanti i pariba, elevando e stándart, kultivando e ambishon mas elevá., i di alkansá e logronan di mas haltu. Konstantemente nos lo tuma for di e fuente di tur sabiduria i biba komo si fuera den Señor Su bista. . Bo talento a wòrdu konfiá na bo dor di Señor, i abo lo wòrdu tené responsabel pa su uso i empleo i mehoransa. . . . Nos tin ku manifestá e gloria di Dios. Esaki ta e meta mas grandi di nos eksistensia. Nos mester ta den tal kondishon ku nos por apresiá e lus ku Dios a trese den e eksperensia di otronan. Nos bida i karakternan ta influensiá dor di atkirimentunan fisiko, intelektual i moral di generashonnan pasado. Si nos keda den ignoransia, nos no tin niun hende pa kulpa sino nos mes. Si nos pone tur poder, i pone tur abilidat a lo máksimo, ku nos wowo fihá riba e gloria di Dios, nos lo no faya den hasi un gran obra di balor pa Dios.
Posted on: Fri, 08 Nov 2013 10:21:31 +0000
Trending Topics
Recently Viewed Topics
© 2015