Un Reflekshon di Kristu .....Bisti e hende nobo, ku a wòrdu kreá segun Dios den hustisia i santidat bèrdadero.. Efesionan 4:24. Dios ta wardando pa mira den Su pueblo u fe ku ta traha dor di amor i ta purifiká e alma; pasobra ta esaki so ta hasi nan apto pa e futuro bida inmortal. Tin un gran trabou pa wòrdu hasi i poko tempu pa hasié. E kousa tin nesesidat di hòmbernan i muhernan kombertí ku lo hasi Señor nan dependensia. Dor di trahadónan asina Señor lo revelá e poder di Su grasia..... Mi rumannan, laga e bèrdat di Dios pèrmanesé den bo kurason dor di un fe bibu i santu. Bèrdat Bíbliko mester wòrdu komprondé promé ku e konvensé e konsenshi i kombertí e bida. E pueblo remanente di Dios mester ta un pueblo kombertí. E presentashon di e mensahe aki mester resultá den e kombershon i santifikashon di e almanan. Nos tin ku sinti e poder di e Spiritu di Dios den e movementu aki. Esaki ta un mensahe maravioso i definí; e ta nifiká tur kos pa esun ku ta risibié, i e mester wòrdu proklamá ku un gritu duru. Nos mester tin e fe berdadero i eternal ku e mensahe aki lo bai dilanti kresiendo den importansia pa e tempu final. Kristu ta deseá di mira Su semehansa reflehá den kada alma renobá. Esnan ku keda mansu i humilde den na kurason, lo E hasi trahadónan huntu ku Dios. Nos konfliktonan spiritual hopi biaha dor por wòrdu yama nos rebelion spiritual. Ta e falta si sumishon di e kurason na e boluntat di Dios ku hopi biaha ta hinka nos den difikultat. Nos ke hasi kosnan na nos mes manera, i esaki hopi biaha ta nifiká rebelion kontra Dios Su manera. Nos mester hasi manera Kristu a hasi, lucha ku e Tata den orashon pa forsa i poder pa e hasi E konosí den Su palabranan i akshonnan.... Nos meta i propósito di nos bida mester ta pa hasi e boluntat di e Maestro i pa promové Su trabou den e tera. E ora ei mester tin un kresementu positivo, i e Spiritu Santu lo traha riba e kurason pa transformá e karakter. Un spiritu generoso di bondat i konsiderashon tierno lo wòrdu revelá pa otronan. E ami lo ta skonde ku Kristu den Dios. Manteniendo e karakter di Kristu, nos lo kambia na Su semehansa. Laga nos bandoná e ami i aseptá Kristu Hesus komo e kaminda, e bèrdat i e bida. Fe den dje ta e úniko siensia balioso. E ta e representante bibu di obediensia perfekto pa e Palabra eterno. .------Review and Herald, Augustes 22, 1909
Posted on: Wed, 27 Nov 2013 21:42:47 +0000
Trending Topics
Recently Viewed Topics
© 2015