Un orashon, di mi kurason pa esun dibo. Ku e deseonan pa un siman kolma di punta pa punta ku amor, pas, salud, harmonia, beyesa, alegria, positivisimo i, mas ku tur kos, wowo i habilidat pa rekonose nan tur! Ankra den amor (Orashon personalisá basá riba Efesionan 3:14-41) Mi ta dobla mi rudia dilanti Bo o mi Dios Tata, Abo ku a duna tur komunidat den shelu i riba tera nan eksistensia i nòmber. Mi ta pidiBo pa for di Bo rikesa glorioso i pa medio di Spiritu Santu, fortalesémi ku Bo poder di amor te den profundidat di mi ser. Mi ta pidi pa Kristu biba den mi kurason pa medio di fe, pa mi keda ankrá den Bo amor i pa esei sea mi fundeshi. Di e manera ei mi lo ta kapas di komprondé, kon largu, hanchu, haltu i profundo bo amor pa ami i mi prohimo ta. Mi ta pidi pa mi konosé Bo amor o mi Dios. Pa asina biba yená ku e plenitut kompleto di bo amor. E amor diBo o mi Dios, ku ta mas grandi ku kualke kos ku mi por konosé. E amor diBo o mi Dios, ku por hasi infinitamente mas di loke mi por pidi òf pensa. Pa medio di Bo poder ku ta trahando den mi, pa semper Bo haña gloria, den tur siglo i siglo, Amèn!
Posted on: Mon, 18 Nov 2013 01:51:25 +0000
Trending Topics
Recently Viewed Topics
© 2015