VAWIIN PROGS (11.3.2014 THAWHLEHNI) (Kan hriat theih chinte) * Assembly Business Advisory Committee chu vawiin chawhma dar 11 hian Speaker Pu Hiphei hovin ama office ah an thukhawm dawn a. Tun thla ni 18 atanga April ni 3 thlenga Assembly session neih tura lo duan tawh chu an ennawn dawn a; April ni 9 ah Lok Sabha inthlanna neih tura puan a nih tak avangin Assembly session hi ni thum chhung emaw lek neih tura pawh tawi an rel dawn niin sawi a ni. BAC ah hian Speaker chu chairman niin member te chu Parliamentary Affairs Minister Pu R. Romawia te, Deputy Speaker Pu R. Lalrinawma te, Pu Lalrinliana Sailo INC te, Pu Vanlalzawma MNF leh Pu Lalthanliana MPC te an ni. * Vawiin chawhma dar 11 hian Aizawl District Election Officer leh DC ni bawk Dr. Franklin Laltinkhuma chuan ama office ah Lok Sabha inthlan lo awm tur atana inpuahchahna chungchang Press Briefing a nei ang. * National Disaster Management Authority a Member, Dr. Muzaffar Ahmed chuan Mizoram a rawn tlawh mek a. Vawiin leh naktukah te hian ATI Auditorium ah Workshop on Hospital Safety Management te, Mass Casualty Management te, Hospital DM Management te a hmanpui ang. NDMA Member Dr. Muzaffar Ahmed hi officials pathumin an rawn tawiawm a ni. * Kolkata a British Deputy High Commissioner, Scott Furssedonn chuan zan hnih riaka Mizoram tlawh turin vawiin hian Aizawl a lo thleng dawn a. A cham chhungin Governor, Chief Minister, Chief Secretary leh Director General of Police te a hmu ang. * Vawiin chhun dar 12 hian MJA Gen. Hqrs. Executive Committee chu Aizawl Press Club ah an thukhawm dawn a, MJA General Conference neih hun tur an ruat fel ang a, inthlan dan turte pawh an rel fel dawn a ni. * Vawiin chawhma dar 11 hian MZP rorelna sang Federal Council Sitting chu MZP Conference Hall, Treasury Square ah neih a ni ang.
Posted on: Tue, 11 Mar 2014 02:16:15 +0000