VAWIIN THU HLA Vawiin boruak a va nuam êm! Thli thâwah pawh thlasik rim a nam ta vang vang mai. Tlangsâm pâr kâra tukkhumvilik zai ri hre leh turin thla tam a ngai ta lo! Ka țhian nikhualo tak tak, țawng thei tak tak ten an duh duhin min chinglet a, a chhân lêt dân ka thiam chai si lo va. An ngaihawm dân a ngeiawm ang reng. Nghasih phaizâwl pawh a lang hring no leh nghulh tawh. Suangtuahnain, Champhai Neihdawn kai tuipui kam te, Keilungliah lui vâwt vin tak te, Kolasib Parva lui pialtlêp thla zui mai, a sira ngaw hring dup mai te kha a fang kual zut zut a. I tân chauh kumtluangin titu ten lungher luiah an sakruang an bual tawhhnu hian, engati nge a ngai renga ka la lunglên fo si le!? Thlasik a lo thleng leh dawn ngei a, țangțial rilin a bawh thing chi hrang hrang te chu zing daifimin a bawh huh leh hliam ang. Zing nilum hnung puak chunga mahni hlim kan thlir vung vung hun a ni leh dâwn khawp. Di, Bi tin a inher a, Sikpui rim a lang a, Hring thing an chawr no va, Fimthliin lunglên mi hawn leh hi! Di, Vawiin angah hian, I ngaih a nâ bik țhin asin! .,....tia chham a rem teh e!
Posted on: Mon, 29 Sep 2014 06:57:59 +0000
Trending Topics
Recently Viewed Topics
© 2015