VERKEERDE OORDEEL Lees Handelinge 28: 1 – 6 “Toe die mense die slang aan Paulus se hand sien hang, sê hulle vir mekaar: ‘Hierdie man moet beslis ‘n moordenaar wees… die goddelike wraak wil hom nie laat lewe nie. Paulus het egter…niks oorgekom nie…”4. Neil Verwey, sendeling in Japan vertel hierdie verhaal: ‘n Vrou het van Seattle na San Francisco toe gevlieg. Die vliegtuig se roete is verander en moes na Sacramento vlieg. Daar geland, het die vlugloods die passasiers ingelig, daar sal ’n onderbreking van 50 minute wees en dié wat wou, kon afklim en bene rek. Almal het uitgeklim, behalwe ’n blinde vrou. Die man wat die storie vertel, sê hy kon sien sy is blind, want haar gidshond, die sogenaamde Seeing Eye Dog, het dwarsdeur die vlug rustig by haar voete gelê. Die loods het na haar toe gegaan en haar by die naam genoem: ”Kathy, ons gaan vir amper ’n uur hier in Sacramento oorstaan. Wil jy nie ook afklim en bietjie bene rek nie. Ek sal jou help.” Die blinde vrou antwoord: “Nee, dankie, maar dit kan dalk goed wees as my hond bietjie kon bene rek.” Nou sê die storieverteller: “Picture this: All the people in the gate area came to a complete standsill, when they looked up and saw the pilot walk off the plane with a Seeing Eye dog! The pilot was even wearing sunglasses. People scattered. They not only tried to change planes, but they were trying to change airlines! True story – remember: Things aren’t always as they appear.” Wat was die waarheid? ’n Toegewyde vlieënier bewys aan een van sy behoeftige passasiers, ’n blinde vrou, ’n vriendelike guns. Hy gaan stap met haar hond. Wat lei die mense af van wat hulle sién? Húlle vliegtuig se vlieënier is blind. Hulle tree sumier drasties op volgens wat hulle aflei, sonder om hulle van die feite te vergewis. Spreuke15:28: “’n Regverdige mens dink voor hy antwoord; goddelose mense sê net slegte dinge.” Engelse vertaling: “The heart of the righteous studieth to answer; but the mouth of the wicked poureth out evil things” “Here, vandag wil ek diep dink voor ek praat.”
Posted on: Mon, 19 Aug 2013 04:08:30 +0000
Trending Topics
Recently Viewed Topics
© 2015