Var á næturvakt í nótt. Lítið talað, var með mjög fámálugri hjúkku frá Svíþjóð sem greinilega vildi ekki eyða nóttinni í yfirborðskennt þvaður. Ég sat og las um endurlífgun og rifjaði upp enda ekki vanþörf á. Hún saumaði púða eða dúk eða hvað konur annars gera vopnaðar þræði og nál. Nótt hinnar löngu þagnar!! Kom heim. Það er verið að byggja bílastæðahús og til þess nota menn í Noregi m.a. dínamit. Hér er búið að sprengja og grafa í allan morgun, ca 30 metra frá glugganum mínum. Heyrt þetta gegnum svefninn, rúðurnar titra, ískur í beltum gröfu, vörubílar að koma og fara. Þetta er er svo sem ekkert lakara en að hlusta á Ásgeir Trausta eða aðra (ömurlega) nútímatónlist en frekar hefði ég viljað upplifa þögn næturinnar nú í morgun. Nú er ég vaknaður, andfúll (að venju), með blóðhlaupin augu (eins og tilheyrir að lokinni verslunarmannahelgi) og er að bræða það með mér hvort ég eigi ekki skilið að fá mér MCDonald!!
Posted on: Thu, 08 Aug 2013 13:26:11 +0000
Trending Topics
Recently Viewed Topics
© 2015