WORLD CUP A LO HERCHHUAH HIAN (Thinlaia cham reng țhin chu) - Part 2 Kan hmanlai Ual Kap kha a lo nuam ber mai. Kum 1994 kum khan kan khua Kawlkulh-ah chuan TV nei an la tlem khawp a. MaMi Elena PachUau te inhnuai ruakah khan Cinema Hall ang deuhin Pi Lalzâwni te khan Ual Kap enna tur Hall an siam a. Inkhel chhuah hma zawng movies chi hrang hrang VCR hmangin an chhuah a. Mi pakhatin Rs. 5 kan chawi țhin, kei tak phei kha chu vawi khatmah pawisa chawia ka luh pawh ka hre lo e a. Kawngkhar Duty kha ka bum thiam viau pawh a ni ta ve ang. Diego Maradona damdawi hman an hriatchhuah avanga inkhel chhunzawm thei lova an hrem tak kan ui zia te kha aw...! Ual Kap enna Hall chhunga vawih an awm țhin kha chu zanlai kawpuar hun te a nia, a la hriatthiam theih mai. Bang awng ațanga Khanghu leh Thingthupui nuai sawm theh luh ching an awm erawh kha chu tawrh har tak a ni. Chhuat lah kha lei ringa bang pin hnan tawp a nih avang khan pawn chhuak peih lova țhuthmun ațanga zung mai mai tawk lah bo lo. Zun hing tawrh chak a ngai țhin teh e! Keini aia u deuh ninhlei ho lah khan muthlu tui deuh sazu phawrh sak a, en luih luih an la ching zui a...!! A țhenin khuang an thawhchhuahpui a. Lehlam leh lehlam țantute kan han in au chhawk dur dur țhin kha a nia. Inkhel boruak a țang țha thei teh a nia. Khang hun lai kha a lo nuam ber mai. Tunah lem mahni inah chhungkua chauh te-in kan en ang fir fer a. Ual Kap en tura sawmtu hmu zo lo nafam chu zanin pawh mahni chauhin ka en leh dawn pek hi...! Germany chet țhat apianga au pui tur ka duh ve asin maw le...!!
Posted on: Tue, 08 Jul 2014 19:13:17 +0000
Trending Topics
Recently Viewed Topics
© 2015