(Wagas ti panangibaga ti madi a damag tapno saan a mabigla tay pangipadamagan.) Nagkiriring diay telepono da Kusipet ti parbangon. Kusipet: Hello? Ipong: Hello, Sir! Ni Ipong daytoy, sir. Diay taltalkenyo ditoy bahay-bakasyonanyo ditoy Ilocos. Kusipet: Sika met gayam, Ipong. Adda kadi problema Apay a pinarbangonmo metten ti timmawag? Ipong: Kayatko laeng nga ipakaammo kadakayo a natay diay martines nga alaga ditoy rest house, sir? Kusipet: Sinno kadakuada? Daydiay kadi nangabak nga inlabanko ti Bird Show Sayangen a. Nagdakkel pay ngarud ti nagastok iti dayta a billit. Ipong: Wen isu, sir. Kusipet: Kasano a natay? Ipong: Nangan ti nabangles a karne ti kabalyo, sir. Kusipet: Sinno ti agbagtit a nangpakan ti nabangles a karne ti billit, aber? Ipong: Awan, sir. Isu lattan ti nakaammon a nangsippi-sippit diay karne ti natay a kabalyo. Kusipet: Natay a kabalyo? Adda kadi natay kadagiti aywanyo a kabalyo dita? Ipong: Sir, natay amin nga aywan a kabalyo ditoy gapu ti bannogda a nagguyguyod ti kariton ti danom. Kusipet: Ania ti sasawem, Ipong? Ania a kariton ti danom? Lawlawagem! Ipong: Diay kariton ti danom ket isu ti nangsebsebmi diay puor, sir. Kusipet: Ania man nga puor dayta ibagbagamon? Ipong: Puor a dandani nangpadapo diay sibubukel a rest house, sir. Natuang ngamin diay kandela ket kinayamkamn diay kurtina. Nagpaspas ti panagramaram diay puor ket narigatankami a nangpatay. Kusipet: Diosko! Apay nga nagusarkayo ti kandela ket adda met kuryente? Ipong: Para diay lamay, sir. Kusipet: Lamay? Sinno ti natay? Ipong: Ni Donya Ipang a nanangyo, sir. Bigla ngamin a simmangpet ti tengnga ti rabii a saan nagpakpakada. Ti ammok ket agtatakaw isu a pinaltogak. Mayat ti panagilanad ni Ipong kadagiti pasamak. Saan a direct to the point. Inot-inot a kunada. Nyahahaha *Kusipet*
Posted on: Wed, 06 Nov 2013 00:47:24 +0000
Trending Topics
Recently Viewed Topics
© 2015