Xanana Gusmão ho Mari Alkatiri harii Asosiasaun Amizade Timor-Leste/Portugal 21 de Novembro de 2013, 10:47 Primeiru-ministru timoroan, Xanana Gusmão, ho eis-xefe Governu Mari Alkatiri, hanesan membru fundadór sira hosi Asosiasaun Amizade Timor-Leste/Portugal nian (AATLP) ne’ebé sei aprezenta ofisialmente iha Díli iha loron 29 oinmai. “Ema hotu hatene relasaun entre povu, Estadu no governu sira hanesan di’ak tebes. Ha’u hanoin katak to’o ona tempu atu sosiedade sivil sira organiza no aprezenta proposta loloos sira, iha nível edukativu, sosiál ho ekonómiku”, Mari Alkatiri ko’alia ba ajénsia Lusa. Tuir eis-primeiru-ministru, Asosiasaun Amizade Timor-Leste/Portugal katak sei transversal no reprezenta vontade povu timoroan nian hodi hametin relasaun ho povu portugés. Asosiasaun ne’e sei aprezenta ofisialmente iha loron 29 durante vizita hosi sekretáriu Estadu no Negósiu Estranjeiru Portugal, Luís Campos Ferreira, iha Timor-Leste, ne’ebé sei to’o iha loron 26 oinmai. Aleinde Mari Alkatiri ho Xanana Gusmão, iha mós membru fundadór sira husi asosiasaun sira maka komunidade portugés no timoroan nian iha Dili, nune’e mós reprezenta ho empreza sira husi nasaun rua ne’e. “Objetivu maka fó sentidu ida ba komunidade portugés, kria fórum diálogu ida entre sira, maibé, liuliu, kria plataforma ida ne’ebé hametin relasaun entre komunidade ne’e ho forsa Estadu no ho komunidade sivil timoroan”, emprezáriu portugés Nuno Manalvo, ne’ebé hanesan mós fundadór asosiasaun, hatete. SAPO TL ho Lusa
Posted on: Thu, 21 Nov 2013 10:49:15 +0000
Trending Topics
Recently Viewed Topics
© 2015