ZNP hun a lo inherchhuak ta a, Zoramah khua a var dawn ta.- Lalduhawma, MLA Zirtawp zana M.C.Hall Durtlang-a vantlang inkhawmah tunlai ZNP dinhmun sawiin, President Lalduhawma chuan, “Tunlai hian ZNP boruak a tha hle a, mak ka tih em em chu Politician te chauh nilovin, tun hma a politics khel ve ngai reng reng lo kan thalai rualte, nuho te sorkar hnathawk leh kohhran mite-ah harh tharna a nasa em em a, politics ah an tui em em ta hi a ni. Kan lenna apiangah mite va hmin chawp ngai lovin, a hminsa kan lo mawlh mawlh zawk a, tunah chuan boruak thlamuanawm tak leh beisei awm tak neiin kan party hi a kal mek a ni” a ti. Duha chuan, “Engkim hian hun a nei a, Congress leh MNF Party te hi Pathianin hmanrua atan a hman chhung kha chuan engti pawn do mah ila, kan do zo ngai reng reng lo kha a ni a. Ram hruaitute hi a hunlai zela Lalpa’n kan ram hruai tura a hriakthih te an ni. Tunah chuan ZNP hun a lo inher chhuak ve ta a, Zoramah khua a lo var dawn ta a ni. A hun mil zela mite tana malsawmna nih hi i tum theuh ang u” a ti bawk.
Posted on: Sun, 27 Oct 2013 09:26:56 +0000
Trending Topics
Recently Viewed Topics
© 2015