Zantin mangtha Phuahtu : Lalnunzam Satu: Annie Lalthankimi, Hard Ray Ka hmangaihna biahthu han hlan ta ila, Engtin min chhang ang maw tleitir len mawiin; Min hmangaih hian kei zawng ka ring silo, Lenthiam a har ka ti nuimawi hmeltha. Mahse e ka hmangaih min nghilh bik suh aw, Nangmah ngai a damchhung hun hmang tur hian; Mal ka sawm che khiang awi i chan thleng in, Dam ten leng la zantin mangtha. Hun leh ni te lo inher danglam zel in, Kumpui sul eng zat pawh lo liam mahse la; Ka hmangaihna a chuai dawn chuang silo, Ai ang i cham reng thin thinlai ruk ah. Ka hmangaihna thamral ang ka phal nem maw, Mahse i rem thei silo ma lalnunnem; Engtin tuar zel ang maw i zun leng ngaih, Khuanu ruat loh di tawn a her ngei mai.
Posted on: Wed, 25 Sep 2013 14:55:08 +0000