Zou Sangnaupang Pawlpi, Delhi in a 22vei na Freshers Meet nei - Bruce K. Thangkhal New Delhi, November 5: Zou Sangnaupang Pawlpi, Delhi Branch in Siemsinna toh i gam miel tanvah vai chi thupi a nei in a 22-veina Freshers Meet cum Annual Conference, Shankar Lal Concert Hall, Delhi University ah November 4 nin nuomtah in zang uhi. ZSP Meet ah Shesei Zou, Chairman, ADC Chandel District, Manipur leh Saket Bahuguna, Delhi State Secretary, ABVP ten Chief guest leh Guest of Honour hihna toh uop uhi. Tuaban ah JT Mate, Social worker leh a loinu Nenglam Mate, Luncha Zou, Secretary, United Zou Organisation, Moreh Block leh a loinu Nemboi, Sochung Lhungdim, President, Congress Block, Moreh leh aloinu Tongnem banah Chief Guest-pu loinu Lamneng leh a tanu Lamneihoi t’n zong uap uhi. Tuaban ah, Lal Guite, Spokesperson, Zomi Students Federation, Delhi Cell, Stephen Valte, General Secretary, ZSF Delhi Cell, H. Lalminlun, Vice President, Khangthah Zuun Pawl, Swapan Debbarma, Vice President, Tripura Students Forum, Delhi, Dharanjit Reang, General Secretary, Tripura Students Forum, Delhi leh Sunny Tayeng, General Secretary, Adi Students Union, Delhi ten zong vaiguon uap uhi. Chief Guest apang, Shesei Zou in sangnaupangte lailam leh nasepna lam ah ha pan ding leh lawchinna ding a theitawp suo ding in thumopna nei a, ZSP te Rs. 50,000/- in phungvua hi. Guest of Honour, Saket Bahuguna in Delhi ah buaina hasatna na tuoh uleh hing theisah un, hing panpi ding a masa um ka hi uhi chi hi. ZSP Choir, Cultural Dance, Zoutawilienu Choreography leh Freshers Parade ten mipi peikhawmte lung tai sah mama hin kigen hi. Tutung a ZSP fresher te stage tung ah dinsah in um a, tualeh kipulahna nei chiat uhi. Tuajou in PCI (R) pastor T. Liankholal in fresher- te thupha piehna nei kawm in thumsahna nei hi. ZSP Study Forum Malcolm Hangmuanthang in Study Forum toh kisai a tangthu tomkim genkhiatna nei a, tuachin lawchinna tuomtuom ana mute tung ah pahtawina pie uhi. Pahtawina (meritorious award) mu te leh amuna jieh uh -- M. Chinlun s/o M. Hauthong Zou, Senior Technical Assistant (B), DRDO Delhi leh MSc (Chemistry), IIT Delhi; Manneilhing d/o Sianmuanthang, BA History, Motilal Nehru College; Stephen Lamzamuanthang s/o Khuplianpau, BA Political Science, Shaheed Bhagat Singh College; Mercy Vungsiannuam d/o (L) Khupsuankap, BA Political Science, Maitreyi Women College; Ronica Vungmuankim d/o P Lamthang, BA Programme, Kamla Nehru College, S Kimboi Mate d/o S Kampau Mate, BA Programme, Motilal Nehru College; S Ruthi Ningneihoi d/o Lalkhosei, BA Programme, Motilal Nehru College; Manlun Melody d/o Manlun Ginchinkhup Zou, Staff Nurse, Dr Ram Manohar Lohia Hospital, New Delhi; Lawrence Kapkhenmang Munluo s/o M Ginzasuan, Manipur Police Service, Govt of Manipur; T Beatrice Nienglunkim d/o Dr Philip Thanglienmang, Class XII Arts, Convent of Jesus and Mary, CBSE, TD Cyril Mimin Zou s/o TD Simon Kamchinkhup, Sub-inspector in Central Armed Police Force (CAPF). Tuaban ah ZYO Delhi in kumteng in Good Samaritan Award pe gige a, tutung in Sianzahau pieh in um hi. Naomi Haumuanching, staff nurse, Safdarjung hospital, New Delhi zong ZSP mi tung a sil a bawlhoi zieh in pahtawina pieh in um hi. Tuaban ah tukum in ZSP in Personality of the Year award bawl a, tami award Bruce K Thangkhal in Zou mipi banah NE mipite a di’a nasem hoi ahina tung ah pieh in um hi. Freshers Meet ni’n Zou puan a kichei hoi penpen pasal leh numei khat teng khie ua, Best Traditional Attire award ahileh pasal ah Mangminlun Munluo in la a, numei ah Niangneilam in la hi. Tami award ahileh Bangalore-based ZOiNN te sponsor ahi. Tukum Mister and Miss Fresher kidemna ah Thangsuankap leh Niangneivah in Mister Fresher leh Miss Fresher title la uhi.
Posted on: Wed, 05 Nov 2014 17:33:50 +0000
Trending Topics
Recently Viewed Topics
© 2015