kidia nos ban pa indepedecia ahinda bosnan ta kere den wega di rutte ban traha sen huntu despues 150 anja den reino malbado aki pfff. WILLEMSTAD – Despues di vakashon grandi den luna di sèptèmber Parlamento Ulandes lo trata un lei rasista pa stòp ku yunan di Kòrsou biaha libremente pa Ulanda i establesenan mes einan. E lei aki lo konta pa tur yu di Kòrsou na Kòrsou na momentu di introdukshon i ta diskriminá dòbel pa esnan ku no ta kualifiká pa drenta Ulanda segun kriterionan den e lei. For di momentu ku e lei drenta na vigor tur yu di Kòrsou (persona ku nashonalidat Ulandes ku a nanse na Kòrsou (ku eksepshon di esnan ku mayornan Ulandes Europeo) tin ku pidi un pèrmit pa establesé nan mes ei . Pa haña pèrmit e lei ta eksigí: e persona mester tin trabou na Ulanda òf e mester proba di ta un empresario.; mester tin sufisiente medio pa kria e mes i su famia. Un entrada ekivalente na salario mínimo Ulandes . mester ta studia na un instituto Ulandes i por proba ku e por mantené su mes. mester ta miembro di famia di un persona ku si ta kumpli ku e eksigensianan menshoná. Ademas di e motibu aki e siguiente motibunan tambe ta konta pa ninga establesimentu: no mester a keda kondena pa un delito(strafblad), no ta peliger pa órden públiko, trankilidat públiko i seguridat, bon moral i interes general. Mester di prueba ku a kita nòmber fo’i Kranshi na Kòrsou. Si un Yu di Kòrsou no por kumpli ku un di e eksigensianan aki e no por drenta Ulanda. Si e ta na Ulanda kaba, Ulanda por sakele. Pendiente di e momentu ku e sali por hib’é loke nos ta yama na Kòrsou Barak. Un yu di Kòrsou ku no haña derechi di establesé su mes na Ulanda, ta praktikamentu un paria. E no por inskribí su mes ningun kaminda i e no tin derechi riba vivienda, leinan sosial o trabou . Ku otro palabra e ta ilegal. Ademas si bo haña pèrmit pa establesé i haña bo na Ulanda bo por haña kastigu di seis luna sera. Tur momento polis i marechausssee bo arestá bo segun informashon di entisidat i rasa ku nan a kolekta. (mira tambe website di OCAN). Esaki ta hasi di e lei aki unu rasista segun e definishon di Nashonan Uni ku ta kategorisá desendensia ètniko tambe bou di diskriminashon rasial (ICERD, art. 1.1) E lei aki por tin komo konsekuensia di kriminalisa tur yu di Kòrsou, komo ku tur yu di Kòrsou, riku, pober, blanku i pretu tur lo hanjanan mes konfrontá ku n’e ora ku nan hinka den nan kabes di kier bai establesé pa algun tempu na Ulanda. E lei ta bira diskriminatorio i rasista komo ku e hasi distinshon entre kategoria di Ulandes. Ulandes Europeo i Ulandes di e paisnan Karibense. Den su ehekushon tambe e lei ta rasista, meskos ku e lei di kòntròl 100% . Komo ku polis i marechaussee tin e tarea pa buska i arestá e yu di Kòrsou ku no a logra kumpli ku tur e eksigensianan i no a haña pèrmit pa keda Ulanda. Lo bai tin un yagmentu riba hende a base di loke na Merka a keda nominá “profilashon”. A base di karakterístikanan ètniko polis lo bai para yunan di Kòrsou riba kaya pa wak si nan tin pèrmit. Partido MAN lo resistí e lei aki i ta hasi un yamamentu na Parlamentu di Kòrsou pa uni forsa un biaha mas pa mustra Ulanda ku mientrastantu tin Statüt mester respetá esaki. Den e nota di aklarashon di lei, e outornan ta bisa ku e lei aki lo no daña relashonnan den reino. Partido MAN kier sugerí Gobièrnu pa for di awor, pa medio di Min. Plenipotensiario na Ulanda pa informá gobièrnu Ulandes ku tratamentu di e lei aki ta pone un preshon eminente grandi riba relashonnan den reino. Moralmente tambe Partido MAN ta kondena Ulanda ku despues di a akumulá rikesa ku a trese prosperidat permanente pa e pais Europeo entre otro ku trafikashon di katibu awor ta skòp e poblashon di Kòrsou saka fo’i Ulanda. Ku ki kara Kòrsou ta keda den reino si e lei aki keda aseptá. Ku ki kara Kòrsou kier keda den un reino ku ta ofendé i oprimí e yunan di Kòrsou ku mas nesesidat den mesun reino.
Posted on: Sat, 20 Jul 2013 10:26:55 +0000
Trending Topics
Recently Viewed Topics
© 2015