tarasul pag abrod duwa mag bagay Awun duwa mag bagay daing ha Lupah Sug Nakita bahgu datung daing kunu ha abroad Nag dara kunu bulawan hangka ugab in taud In pikilan nila tagha nahaylan kaduwa imibug Nag agad mangad na in sila ini halaum susa Sabab ha Lupah Sug mahunit na in pag usaha Halaum tiyangge in manusiyah mag tataud na Sabab yaunna napun katan lud daing ha gimba Timulak sila daing ha Sug harap pa Zambonga Sambil in gantah lumaus na kunu pa Manila Misan laung ta bukun pa sila kaduwa biyaksa In agi hambuuk pa hambuuk mag pasukuran na Pag datung nila pa Manila in hinang nag apply In dayaw isab sukud nataymah da walah limugay Amu naman isab in kuyag sin duwa mag bagay Kalu kalu raman in hajat nila kaduwa sumampay Hawpuun tana hiyadtud na pa air port sin agency Kuyag hinda Utoh mu kaduwa way Sali sabab ki-kiki Misan in nag hatud kanila biyayaran pa nila kaagi Niyat nila in sasakatan piyag haturan kanila Taxi Bukun da malugay dimatung na sila pa Air port Hiyahwas na in mga bag nila marayaw kabaggut BIyandaan pa sila sin nag hatud kanila nag ibut ibut Piyatumtum sila paayaran tuud kanila in passport Naabut man nag announce in passenger pasurun Miyurul na kaduwa ha mga tau nag la line timipun Sambil natihmus na in passport kita sin immigration Simakat plane iyu-ulinan da marayaw kagunggung Pagga sila kaduwa pa air plane nakasakat pa taas In katan nag kita umbul lingkuran ha boarding pass Saputikah nila ticket iban passport walah da biyutas Sah na tiyabangan sin pag bahasahun flight nurse Hangkaraih tuud in umbul nila magtuy da kiyabakan Limingkud na kaduwa hinda utoh mu ha lilingkuran Sambil nag sangun belt dih maingat sah tiyabangan Nag hagas hagas pa kaduwa mayta kunu sila hukutan Ha taas plane in lugay nila miyabut na nag jiyaman Kimublit in hang katau imungsit nangasubu ha iban Bang ikaw laung niya haunu na kita in kiyatunguran Sabab malayu na sa ini nalupad awun na pila jam Giyuwah sin hangkatau daing ha buktun in lilus Aha pag kita sin samin awun tubig halaum sinup Amuin in agi yari kita bihaun ha tungud Europe Sabab makahati na kamu ha plane asal haggut Aha in lugay nila ha taas awun na pilangka jam Ihi na tuud in hangkatu agad dih na katahanan Duun na masusa in belt dih maingat hubaran Limurus naabut pa agaba bukun na hahawakan Pilang kajam naka datung na pa hulah tiyudju nila Sarta in katan sin passenger nag hururu nanaud na Saputikah in sila walah naka tindug yaun dakuwa Subay awun naka tabang hiyubaran in belt kanila Walah pa sadtu hinda utoh daing ha plane nanaug Nag lawag pa sin bag madtu mari pa hah ngutud Tiyabangan na sin mga attendant babae iban usug Sambil pa customer department ibanan sila hiyatud In lugay nila ha air port nag lawag awun pila jam Biyandaan sila ayaw masusa maluhay da kabakan Way panayu yadtu ha conveyor in bag wayna taiban Bukun tuih hand carry luggage biyah sin kaibanan Walah nila napikil mayta ha taas plane nag lawag sila Sin bag nila naka luggage na kaagi daing pa ha Manila Niyat hinda utoh biyah mag sakat kappal atawa lancha Sila in mag da kandil sin bag nila bang sila manaug na Liyugayan pa sila ha airport nag tatagad sin lundug Naka naman uhaw in hangka tau magtuy timindug Awun minum ha water dispenser hitungud in simud Simuuk na tuud hi utoh mu bahasahun ta simingud Naka suuk man siya ubus na minum in kaibanan Tiyungud na in simud ampa niya hiyagas hagasan Aku isab laung niya agay wayna bihan ka uhawan Nainu inu way tubig gumuwa sambil siya diyugalan Amu naman in dugal pamayhuan mamuti mamula Sabab napuspus siya nag hagas hagas bali way ra Tiyakdugan in dispenser kiya giikan in lock niya Unu pakaw in tubig gimuwa nag busuwang na Pag huwas ubus man siya minum uhaw kiya ulian Biyalik niya pa tuud in water dispenser bissarahan Tiyagaran mupa tuud aku agay subay diyugalan Mang dihil kaw tubig subay tapakaw tiyakdugan Naka guwa sila daing ha air port subay mahapun Kakuyagan kaduwa wayna Sali daran in pag uyum In agi ha iban yarina sa kita ha middle east bihaun Siyud kunu in lilus sin buhangin bahasa sun storm Makahati na kamu mga kakasi ha mga tau first time Manaw nanglilingi lingi madtu mari di kaingatan pakain In hanggaw sin pangatayan nila dihna hika tungging Daypara naman mag tuyu mag usaha bat makabak sen Lugay nanaykud daing ha air port sung na sadlup suga Imasubu na isab in hangkatu bang haunu na kunu sila Tagha in sambung nakabalik sila pa manila ha Quipo pa Sabab pag kita niya ha buktun in lilus niya wayruun na Hawpuun tana nakaratung na sila sambil naka hali-hali Biyaan mamaygu sabab pilang kajam in layu sin biyahi Kaingatan niyu in mga first time lagi waypa panghati Pangannal in tubig biyah sin kabiyaksahan ha Tiyangge Pag sud sin hangka tau magtuy na tuud in gripo tiyabid Aha naukab hi utoh mu amuin gripo mahaggut in tubig Walah limugay namaygu hangkaraih da tuud sah minig Amunaman higad simud nanatat sin haggut namimidpid Dainduun simubli in hangka tau pa bilik pag papayguan Tiyabid in gripo sin tubig bahasa niyat sin kiyabiyaksahan Wayruun panayu tagha gripo tubig mapasu in kiya ukaban Amuna man in tulik apit na mabiyah manuk kalasuhan Bang awun daing kaniyu naka experience, Uyumi niyu sadja sin uyum lapat taguban Pusakah turun tumurun hi Utoh Azlan.. :) In kiya sulat ha taas kathang isip lamang
Posted on: Sun, 28 Jul 2013 19:52:31 +0000
Trending Topics
Recently Viewed Topics
© 2015