Ég hef óttast að sumir þingmenn Sjálfstæðisflokksins muni aldrei sætta sig við að verðtryggingin verði afnumin og að forsendubrestur heimilanna verði leiðréttur. Á þeirri forsendu finnst mér gott að vita af þessum ummælum sem Hanna Birna Kristjánsdóttir ráðherra lét falla í ræðu árið 2011: „Gluggaumslögin sem innihalda rukkanir á útblásnum lánum eru um leið harkaleg áminning. Þau eru áminning um óréttlæti. Þau eru áminning um misrétti og þann veruleika að við sitjum ekki öll við sama borð. Þau eru áminning um það að fjölskyldur eru að missa heimilin sín á meðan milljarðar eru afskrifaðir af fyrirtækjum og forréttindahópum. Þau eru áminning um að þeir sem með þyngstu lyklakippurnar ganga eru ekki hvattir til að afhenda þær hinu opinbera, en það er gert við þá sem aðeins eiga einn lykil - lykilinn að heimili sínu. Það er til svigrúm í bankakerfinu." Vil taka skýrt fram að ég er þessum orðum Hönnu Birnu algerlega sammála en ítreka að það verður að hraða allri þessari vinnu er lýtur að hagsmunum skuldsettra heimila eins og kostur er.
Posted on: Tue, 20 Aug 2013 11:56:00 +0000