أصحابي وأهلي الأعزاء اللي بقالهم فترة مش عارفين يتلموا عليّ عشان دايمًا ورايا شغل.. الحمد لله ربنا منّ علينا و خلصنا نصف الطريق و نزّلنا نسخة تطبيق وصلني على الأي فون.. ولسه فاضل النصف التاني و ننزله على آندرويد و ده قريبًا بإذن الله. وصلني باختصار يبقى تطبيق الهدف منه المساعدة في حل مشكلة المرور عن طريق تزويد المستخدمين بمعلومات عن حالة الطرق بحيث يقدر الإنسان يتجنب الزحام و يوفر وقته وصحته و أعصابه وفلوسه :) بنحاول نجدد نيتنا بمساعدة الناس ودفع الضرر عنهم و المساهمة في تقدم الأمة.. مين عارف يمكن ربنا يجعلنا سبب في إنقاذ حياة حد. من حين لآخر هكتب حاجات عن الوظائف والشاشات المختلفة الموجودة في وصلني عشان نوصّل للناس الفكرة بشكل أحسن. أشكركم مقدمًا على مشاركة البوست ده على صفحاتكم :) انتظروا الآندرويد قريبًا جدًا إن شاء الله.
Posted on: Thu, 07 Nov 2013 20:29:04 +0000
Trending Topics
Recently Viewed Topics
© 2015