أصدقائي الأعزاء ،،، لاحظت الفترة الأخيرة إن رغم اختلاف وجهات نظرنا وخناقاتنا وتعصبنا لاتجاهاتنا ولكن في الحقيقة توحدنا علي حاجه واحدة بس وهو : خوفنا وحرصنا الشديد علي مراقبة الدستور وده بيديني أمل إن إحنا بدأنا نتعلم من أخطائنا السابقة ... في منكم اللي حاول يوصل للجنة الخمسين وفي منكم محبط وفي منكم اكتفي بنشر اقتراحاته علي الفيس بوك وفي منكم تناقش في الأخطاء الموجودة من خلال قعدة مع الأهل والأصدقاء ... ودلوقتي دقت ساعة العمل ،،، حان الوقت نشتغل عن طريق فريق عمل وليس بصورة فردية مستقلة ،،، تعالوا نحط إيدينا في إيدين بعض ونجمع كل اقتراحاتنا ... اللي عاوز يعمل حاجه في الدستور ويسلط الضوء علي المصائب اللي فيه واللي بيحاولوا يمرروه من غير ما حد ياخد باله يبقي يلا نعمل ورشة عمل نجمع كل اقتراحاتنا ،،، دوري هو التنسيق بينكم كلكم وتجميع الاقتراحات والشكاوى والعيوب وكل حاجه ،،، وده مش هيجي بإرسالها عن طريق ايميل أو رسالة ،،، لازم نقعد نتناقش ونشتغل علي الموضوع ده ،،، وليكم عليه الكلام النهائي أوصله لعدد كويس من لجنة الخمسين ... اللي موافق يتفضل يحضر الاجتماع في ٢١ البطل أحمد عبد العزيز - المهندسين (الدور الأول) يوم الثلاثاء القادم الموافق ١٠ سبتمبر ٢٠١٣ في تمام الساعة ٦ مساءاً وكل واحد موافق علي المشاركة يقدر يدعو الشخص اللي شايف انه ممكن يضيف للمشروع ده :) الدعوة عامة لكل الناس ،،، خلونا ايجابيين ونستمد طاقتنا الايجابية من بعض :) تحيا مصر ...
Posted on: Fri, 06 Sep 2013 09:27:55 +0000
Trending Topics
Recently Viewed Topics
© 2015