أميرة محمد محمد محمد ***************** في قصة جميلة كده "لإدجار الان بو Edgar Allan Poe" اسمها "القلب الواشي The Tell-Tale Heart " ، باختصار بتتكلم عن راجل مجنون قتل صاحبه و دفنه في جدار بيته ، و هو فاكر إنه كده أحكم الجريمة و تخلص من الأدلة ، لكن المشكلة انه كل شوية بيسمع دقات قلب جاية من ورا الجدار ، كل ما يروح في حتة بيسمع دقات القلب دي ، اترعب و افتكر نفسه دفن الجثة و هي لسه حية ، حاول يتماسك بس معرفش لحدما قام هدم الجدار و طلع الجثة و اعترف على نفسه بقتلها عشان يستريح من دقات القلب دي ، فاهمين المعنى ، انتوا فاكرين انهم فاكرين انهم هزموكم ، تبقوا سذج ، هم أكتر ناس عارفة انهم ارتكبوا جريمة ، هم اكتر ناس سامعة دقات قلب المقتولين ، مشكلتهم معاكم مش بتنتهي بقتلكم ، مشكلتهم معاكم بتتنهي لما تسكتوا خالص ، لما ما تبكوش على جراحكم ، لما ما تدفنوش موتاكم ، لما تختفي مسيراتكم ، لما تنسوا انتوا نزلتوا ليه و ناويين تكملوا بهدف إيه ، مشكلتهم معاكم في القرآن اللي اتحرق مع جثثكم و المسجد اللي معرفوش يخرسوه إلا بالنار ، و دعاء الأمهات الغلابة ، مشكلتهم معاكم في الست المنتقبة اللي ماسكة ايد زوجها و عينها مليانة تصميم ، الطفل اللي حافظ القرآن و مامته راضية عنه ، مشكلتهم معاكم كل حاجة بتخليهم دايما حاسين ان انتوا ينفع تبقوا تجار دين عشان نافعين مع الدين و الدين لايق عليكوا ، و ممكن ربنا يقبل دعائكم ، هم كانوا منتظرين منكم تموتوا في صمت ، و تتقتلوا في خرس ، هم بينظروا لكم نظرة دونية فعلا ، أنتم من طبقة مختلفة معرفيا و نفسيا و مظهريا عن طبقتهم تماما ، أنتم بالنسبة لهم الغزو البدائي على نمط حياتهم المرفهة ، و ماكنش فارق معاهم يتقتل منكم ميت ألف و لا مليون حتى بس بشرط انكوا تموتوا في سكون ، من غير ما قلبكم يدق من تحت الأرض ، قمتوا انتوا عملتوا لهم صداع ، وجعتوا راسهم ، أفقدتوهم نشوة النصر و القدرة على حبك التمثيلية ، كملوا بقى الرعب ده و انزلوا تاني في الشوارع ، خلوهم يبصوا من بلكوناتهم يشوفكم في وشهم ، خلوهم يرفعوا سماعات تليفوناتهم يلاقوا صوتكم خارج منها ، خلوهم مايتهنوش بحتة واحدة في مصر من غير ما تعملوا فيها اعتصام ، كل مظاهر ثقافتكم اللي بتضايقهم ما تتنازلوش عنها ، خمار ، لحية ، نقاب ، عباءة ، مصاحف ، دعاء ، صلاة ، من الاخر يعني #نكدوا_على_أهلهم #صرخوا_في_ودانهم
Posted on: Thu, 15 Aug 2013 06:59:55 +0000
Trending Topics
Recently Viewed Topics
© 2015