أنا زعلان أوي من كاثرين آشتون (مسؤولة الشؤون الخارجية في الإتحاد الأوروبي)، تخيلوا إنها بتدعوا إلي إشراك الإخوان المسلمين في العملية الإنتقالية، وكمان طلبت تروح تقابل هشام قنديل وممثلين من حزب الحرية والعدالة! بس... بس دول إرهابيين، دول قتلوا جنودنا علي الحدود يا كاثرين وكمان فتحوا السجون بقي ومتخابرين مع حماس وبيهجموا علي الجيش والشرطة في رابعة بالأسلحة يا شيخة حرام عليكي! يلا هنعمل إيه يظهر إن الإتحاد الأوروبي لسه مش مقتنع بالحاجات دي، واضح إنهم مش بيتفرجوا علي OnTV ولا المصرية. عامة أنا هرد عليهم رد بعض المصريين عندنا عندما قولت له "علي فكرة الأخبار والكلام عندكم حاجة والعالم كله حاجة تانية، إنتم الإعلام معيشكم في قوقعة بتاعتكم إنتم بس ولا تمت للواقع بصلة، حاول تشوف قنوات تانية زي CNN, BBC, الجزيرة... إلخ" وكان رده عليه "أصل CNN BBC بره مش حاسين بينا ولا عارفين البلاوي اللي إحنا فيها" :)
Posted on: Mon, 29 Jul 2013 07:41:24 +0000
Trending Topics
Recently Viewed Topics
© 2015