أنا نظارتي ماركة.. * أنا ساعتي ماركة.. * أنا بنطلوني ماركة.. قال وزير التجارة الفرنسي : (الماركات) هي أكبر كذبة تسويقية صنعها الاذكياء لسرقة الاثرياء فصدقها الفقراء !! مش شرط أشيل Iphone .. عشان تقول اني ذكي وبفھم !! * مش شرط أكل كل يوم في Mac او KFC .. عشان تقول إني مش بخيل !! * مش لازم لما أحب أقعد مع إصحابي .. نقعد كل يوم في Star Bucks او Costa عشان نقنعك إننا أولاد ناس ..!! * مش شرط أجيب لبسي من Adidas او Nike عشان أكون نظيف !! * مش شرط أبرطم بالأجنبي .. وكل جملة أدخل فيها كلمتين إنجليزي عشان تقول عني مثقف !! * مش شرط أمشي أسمع Adele أو Rihanna عشان تقول عني متحضر !! أنا معظم لبسي من وسط البلد يا سيدي .. وبقعد مع اصحابي في الشارع .. ولما نجوع بناكل عادي من اي مكان .. بتكلم عربي عادي .. ولو شايف إني فقير مثلا أو بخيل .. فأحب أقول لحضرتك .. إنك كمان مريض .. أنا ممكن أعمل كل اللي فوق .. بس كل الفكرة إني شفت ناس .. ممكن يعيشوا إسبوع كامل بسعر تيشرت من Adidas .. شفت عائلات ممكن يتغدوا كلهم بثمن قعدة من قعدات Star Bucks .. فعرفت وقتها إن الفلوس مش كل حاجه .. وعرفت إن اللي بيقيس الناس بالمناظر .. ده لازم يتعالج بسرعة .. عشان المناظر عمرها ما كانت مقياس للتحضر .. (( التحضر الحقيقي .. تحضر الأخلاق والعقل )) .:
Posted on: Thu, 24 Oct 2013 14:55:57 +0000
Trending Topics
Recently Viewed Topics
© 2015