"احنا شعب البريك بالعضمة في رمضان و في العيد الكبير ناكلو الكسكسي بالعصبان ، نحن الشعب اللي كلى البسيسة و في صغرو لعب بالبيسة ، نحن الشعب اللي الصباح ما يصبّحش و يعطيها ضريبة بالعينين و يتعدّى نحن الشّعب اللي يخلص 400 و يصرف 800 و البطّال فيه يتكيّف في المارلبورو تيكي بلو ، احنا الشعب اللي ديما يلوّج على رابع في الرامي احنا الشعب اللي يعمل حنّة و يخلّص بيها مصاريف عرسو الكلّ و يطلّق بعد 6 شهور ، احنا الشعب اللي يلبس الماركات من الصبّاغين ، احنا الشعب اللي يحب البلاد هذي من قلبو غير يحبّ يبدّل الهوا و يهجّ ، احنا الشعب اللي ما يحسبهاش و يرقد جيبو فارغ و يقوم الصباح يقول يا فتّاح ، احنا شعب الضحكة و التنبيرة ، احنا الشعب اللي قرا في الجامعة و تربّى في الزناقي ، تي احنا هوما الشعب اللي سكن هالبلاصة و مش بش نتبدّلو ، لا بش نولّيو افغان و لا بش نولّيو امريكان ، ديما توانسة و وين تمشي تلقى كعبة و الا ثنين منّا ، شعب عصي على النظرية و مركب بطريقة رومانية على فينيقية على اصول امازيغية على استعراب على فرنكوفونية ، شعب غير بقية الشعوب ، مضحك مبكي و ديما زاهي
Posted on: Mon, 22 Jul 2013 03:16:55 +0000