اعمل عبيط ! ======== بقلم الكاتبة و الشاعرة رحاب رسلان نازل 30-6؟ ...فرحان بالإستعدادات اللى بتحصل ؟ تابعت أخبار حرق مقرات الإخوان و قتل عدد من أفرادها ؟ ... طلعت " الشرير اللى جواك " و قلت أحسن علشان الناس تخاف تنزل و تبقوا إنتوا القوة الوحيدة و الصوت الوحيد الظاهر . طيب شفت البلطجية و هم ماشيين بالرشاشات و ما فيش حد إعترضهم , و ضربوا أ. عنانى فى رقبته و صورة و هو يلفظ أنفاسة تملأ الدنيا ؟ ... و شفت الشاب قتيل المنصورة , لكن " طلعت الحقير اللى جواك " و فرحت أن فى ضهرك ناس حتقوم بالأعمال القذرة عنك و أقنعت روحك أنك مالاكش دعوة أنت ثورى بس؟ سمعت دعوات إحتضان الفلول و عارف إن بتوع آسفين يا ريس نازلين معاك ... و " طلعت العبيط اللى جواك " و عملت مش واخد بالك على أساس إنكم محتاجين حشد و تبقي تخلص منهم بعدين؟ سمعت عن حالات التحرش اللى بتحصل فى التحرير و متصورة و منشورة ... لكن " طلعت الديوث اللى جواك " و طنشت و عملت مش واخد بالك ... كلة فداء للثورة ؟ لسة نازل 30-6؟ .... فاكر إن خلاص كل حاجة جاهزة و فى إنتظارك تنزل تسقط النظام اللى مش عاجبك؟ ... فاكر إن ربنا ممكن ينصرك ؟ ... فاكر إن القتل و البلطجة اللى عملتوها دة حتخوف الناس اللى نازلة تحافظ على الشرعية ؟ ... طيب " طلع البنى آدم اللى جواك " و إسمع هذة الآية يمكن ربنا يكرمك و تفوق " الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ (173) فَانقَلَبُواْ بِنِعْمَةٍ مِّنَ اللّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ (174)) إحشدوا بلطجيتكم و فلولكم و إحتموا بهم جيدا ... و نحن معنا وعد الله , عسى أن نكون ممن ذكرهم سبحانة و تعالى بالآية و هو نعم المولى و نعم النصير. #freez
Posted on: Sat, 29 Jun 2013 21:02:11 +0000
Trending Topics
Recently Viewed Topics
© 2015