الاخبارية الاخبارية _ تعرفو فكونا توة من الغنوشي والسبسي ومشتاقاتهم فكونا من الشرعية فكونا من الاطاحة بالحكومة والتاسيسي فكونا من خروج ازلام بن علي والمناشدة قدام التاسيسي ظهرت حكايتهمالكل فالصو وندمت كيف حكيت عليهم خلونا نحكو في الرسمي بعدنا باارشة على الصحيح الي ماشي في العفس الشعب المسكين المواطن الزوالي الكلهم قاعدين يقسمو في الكعكة ويلعبو في حمرة كحلة يبانو متعاركين وهوما تحت الطاولة وفي التراكن متفاهمين ايا من غير من غطو عين الشمس بالغربال دولتنا دولة سرقة وكذب ونفاق وطحين ومناشدة طول اعمارهم يسرقو وينهبو في هالشعب المسكين طول اعمارهم يضحكو عليه بكلمتين طول اعمارهم القوي يغلب الضعيف طول اعمارهم يتسترو على مافيات الفساد وعلى العائلات الي تسرق وتنهب وتظلم وهي فوق القانون ازح حسو بينا حسو اش نحبو منحبوش لا نستغنو لا نعملو عمارات لا مليارات التونسي امنيتو يعم العدل والقانون فوق الجميع والي سرق والي نهب يتحاسب امنية كل زوالي يحسن وضعو ويقري اولادو مفهمتش شبيكم تستبلهو فينا وتضحكو علينا بالله حسو بالزوالي شوف ياحكومة يا غنوشي ويا سبسي في بالنا بيكم قسمتم الغنيمة مع الي يسوى والي مايسواش ناس التو تضرب في الملاين في التاسيسي وهو مسكر وميخدمش المزمر في الحكومة عندو شركات وعقارات ربي يزيدهم اما كيفاه باش يحس بالزوالي رجال اعمال تمول في احزاب من اجل مصالحها الشخصية باش ميخرجش خنارها من فساد ونهب كيفاه تحبوهم يحسو بالقليل والي معندوش عشاء ليلة ياخي قولونا ياخي تحبو المزمر ديما يقعد تحت الصباط وتتفكروه كان في الحملات الانتخابية الحاصيلو يتولاكم ربي اما صدقوني كان واصلتو هكة باش تشوفو بعينيكم اش معناها ثورة الحرافيش وتوة تشوفوها كيف تثور عليكم وتنصبلكم المشانق ياخي قولونا علاش قامت الثورة ؟؟؟وينهي اهداف الثورة ؟؟؟وينهي المحاسبة ؟؟؟وينهو الزوالي في هذا الكل ؟؟؟معادش فليها عارفينكم تفلمو علينا وتصحكو علينا بكلمتين شعبوية مطروزة بالوطنية اما صاي القصبة تنادي الكلم خونة الكلكم منافقين الي هب ودب يحكي باسامينا ويقول الشعب معانا طز فيكم وفي المخير فيكم احنا الاحرارنقولولكم معادش تحكو باسم الشعب فاق بيكم يا انتهازيين انزعو عنكم الثورية راهي تكشفت اوراقكم ...
Posted on: Sun, 01 Sep 2013 10:44:52 +0000
Trending Topics
Recently Viewed Topics
© 2015